अब अनलाइनबाटै अमेरिकी ग्रिनकार्ड र नागरिकताको आवेदन (तरिका सहित)
प्रकाशित मिति : पुस ८, २०७५ आईतबार
अमेरिकी ग्रिनकार्ड र नागरिकता लगायतका कैयन आवेदन अब अनलाइनबाट नै दिन सकिने भएको छ । युएससीआईएसको आधिकारिक वेवसाइटको मुख्य पृष्ठमा व्यवस्था गरिएको विशेष टुलमार्फत अब अमेरिकी नागरिकता, ग्रिनकार्डको पुनस्थापना लगायतका कैयन आवेदनहरु अनलाइनमार्फत नै दिन सकिन्छ ।
अनलाइनमार्फत आवेदन दिनका लागि सुरुमा युएससीआईएसको वेवसाइटमा गएर अनलाइन एकाउन्ट खोल्नुपर्छ । अनलाइनमार्फत फर्महरु भर्दा सहज र प्रभावकारी हुने युएससीआईएसका प्रवक्ताले बताएका छन् ।
अनलाइन एकाउन्ट खोल्न यो लिंकमा क्लिक गर्नुहोला ।
अनलाइनबाट आवेदन दिंदा युएससीआईएसलाई पनि सम्बन्धित निकायहरुमा फाइल पठाउन सहज हुनेछ । साथै युएससीआईएसलाई आवेदकसँग सम्पर्क गर्न पनि सहज हुनेछ । अनलाइनमार्फत आवेदन दिंदा शुल्क तिर्न पनि सहज हुनेछ ।
हालका लागि ग्रिनकार्ड रिप्लेस गर्ने आई ९० फर्म, नागरिकताको आवेदन एन ४००, नागरिकताको कागजात पुनस्थापना गर्ने आई ५६५, नागरिकताको प्रमाणपत्र एन ६०० आवेदन लगायतका फर्महरु भर्दा अनलाइनमार्फत भर्न सकिन्छ । अहिले युएससीआईएसले ४१ प्रकारका विभिन्न शुल्कहरु क्रेडिटकार्डमार्फत तिर्न सकिने व्यवस्था गरेको छ ।