सबैको मिलन बिन्दु स्थानीयतहको निर्वाचनः मन्त्री नायक
प्रकाशित मिति : पुस ६, २०७३ बुधबार
भक्तपुर ६ पुस ।
कानुनमन्त्री अजय शंकर नायकले राष्ट्रवादको कुरा गर्ने र मधेसको माग सम्बोधन गर्ने अन्तिम विकल्प स्थानीय तहको निर्वाचन भएको बताएका छन् । रफत सञ्चार क्लबले बुधबार आयोजना गरेको साक्षात्कार कार्यक्रममा नायकले भने ‘वर्तमान समयमा जसले जे भने पनि राष्ट्रको पहिलो आवश्यकता र सबैको मिलन बिन्दु स्थानीय तहको निर्वाचन नै हो । मधेसी मोर्चा र एमाले आ–आफ्नो हठ् त्याग्दै निर्वाचनको वाताबरण बनाउन लाग्नुपर्छ ।’
सबैले स्थानीय तहको निर्वाचनको बिषय उठाइरहेपनि विपक्षी दलहरुले संसद बैठक अवरुद्ध गरेर अर्कै रुप देखाएको मन्त्री नायकको आरोप छ । निर्वाचन विधेयक पास गरेर तोकिएकै समयमा तीन वटै तहको निर्वाचन सम्पन्न गर्नुपर्नेमा उनले जोड दिए ।