Follow @khasokhasmag

यौन शोषणमा परेका बालबालिकाका लागि स्कुलबस किन्न आर्थिक अभियान


प्रकाशित मिति : पुस ६, २०७३ बुधबार

नेपालमा यौन शोषणमा परेका बालबालिकाहरुका लागि स्कुलबस किन्ने रकम जुटाउन क्राउडराइजमा आर्थिक संकलन अभियान सुरु गरिएको छ । अमेरिकाको नर्थ क्यारोलिना निवासी मिया कोलोरेडो मेन्सफिल्डले ३० हजार अमेरिकी डलर संकलनको लक्ष्य सहित यो अभियान सुरु गरेकी हुन् ।

यौन शोषणमा परेका बालबालिकाहरुलाई संरक्षण प्रदान गरिरहेको संस्था रक्षा नेपालले यौन शोषणमा परेका बालबालिकाहरुलाई विद्यालय लैजान स्कुलबस किन्ने योजना बनाएको हो । रक्षा नेपालको सुरक्षित घरमा हाल ४ देखि १४ बर्ष उमेर समुहका २५ जना बालबालिकाहरु छन् ।

ती बालबालिकाहरु विद्यालय जाँदाआउँदा समेत खतरामा रहेकाले रक्षा नेपालले उनीहरुले विद्यालय लैजान र विद्यालयबाट ल्याउन स्कुलबस किन्ने योजना बनाएको हो ।

साथै स्कुलबस भएको खण्डमा बालबालिकाहरु नयाँ ठाउमा घुम्न जान पाउने र विद्यालयका अतिरिक्त कक्षापनि सहजै लिन पाउने भएकाले आर्थिक संकलन अभियानमा सघाउन सबैसँग अनुरोध गरिएको छ ।

यदि तपाई यो पवित्र अभियानमा सहयोग गर्न चाहनुहुन्छ भने यहाँ क्लिक गर्नुहोला ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com