Follow @khasokhasmag

एमाले पार्टी कार्यालयमा सासंदबीच कुटाकुट


प्रकाशित मिति : मंसिर ३०, २०७३ बिहीबार

नेकपा एमालेको पार्टी कार्यालय धुम्बाराहीमा सासंद र कार्यकर्ताबीच हात हालाहाल भएको छ ।

कार्यकर्ता मानबहादुर बोहराबाट एमाले बझाङ क्षेत्र नम्बर दुईका सांसद लालबहादुर रावलबीच हात हालाहाल भएको हो । उक्त घटना भईरहदा धुम्बाराहीमा एमाले स्थायी समितिको बैठक चलिरहेको थियो । बझाङमा गरिएको स्थानीय तह पुनःसंरचनामा असन्तुष्टि जनाउँदै १५ जनाको टोली डेलिगेसनका लागि काठमाडौं आएको थियो । त्यसमा एमालेका स्थानीय नेतादेखि विभिन्न दलका प्रतिनिधि र सांसद समेत थिए । डेलिगेसनमा आएकाहरुको नेपालको सबैभन्दा ठूलो क्षेत्रफल भएको का“डा गाविसलाई छुट्टै गाउँपालिका बनाउनुपर्ने माग छ ।

स्थानीय तह पुनर्संसचना आयोगले त्यसलाई अस्वीकार गरेपछि त्यसविरुद्व सांसद तथा स्थानीय प्रनिधिहरुले बसेर छुट्टै गाउँपालिका बनाउने निर्णय गरेका थिए भने त्यही डेलिगेसन लिएर उनीहरु काठमाडौं आए । एमाले नेताहरुको ध्यानाकर्षण गराउन नेता अफिलाल ओखेडा र लालबहादुर रावलले पार्टी नेतृत्वसँग छलफल गराउने भन्दै डेलिगेसन प्रतिनिधिलाई धुम्बाराही ल्याएका थिए ।  त्यहाँ कार्यकर्ताहरुले रावललाई आफूहरुको मागमा समर्थन गर्दै हस्ताक्षर गर्न आग्रह गरे । तर, रावलले ‘म गर्दिन तिमीहरु के गछौं गर’ भन्दै आक्रोश पोखेपछि हात हालाहालको अवस्था आएको कार्यकर्ताहरुले बताएका छन् ।

स्थितिलाई नियन्त्रणमा लिन एमाले नेताहरु ठाकुर गैरे सूर्य थापा र राजन भट्टराईलाई हम्मेहम्मे परेको थियो । विवाद पछि डेलिगेसन टोलीको माग पत्र बुझ्दै एमाले अध्यक्ष केपी ओलीले समस्या देखिएको स्थानका बिषयमा छलफल गरिने बताउनुभयो ।

सांसद रावल बझाङको दङंगाजी गाविसका हुनुहुन्छ ।

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com