Follow @khasokhasmag

बुद्दनगर र गठ्ठाघरबाट २ ट्रक चालक घुस दिँदादिँदै पक्राउ


प्रकाशित मिति : कार्तिक २९, २०७५ बिहीबार

काठमाडौंको बुद्दनगरमा घुस दिँदै गरेका एक सवारी चालकलाई प्रहरीले पक्राउ गरेको छ । काठमाडौं महानगरपालिका–१० बुद्धनगरचोकमा सवारी साधन जाँच गर्ने क्रममा घुसदिने बा. २ ख. ८१२९ नम्बरको मिनिट्रकका चालक जित बहादुर तामाङलाई बुधबार प्रहरीले पक्राउ गरेको हो ।

चालकले मिनिट्रकको कागजपत्र नभएको भनि प्रहरीलाई नगद १ हजार रूपैयाँ घुस दिएकोले तामाङलाई महानगरीय प्रहरी वृत्त बानेश्वरबाट खटिएको प्रहरी टोलीले पक्राउ गरेको जनाइएको छ ।

त्यसैगरी मध्यपुर ठिमी नगरपालिका–३ गठ्ठाघर चोकमा सवारी साधन जाँच गर्ने क्रममा घुसदिने ना. ५ ख. ७१८१ नम्बरको ट्रक चालक मुरतुजमिया चुरियारलाई प्रहरीले बुधबार पक्राउ गरेको छ ।

रूट प्रमिट कागजको भित्र नगद २ सय रूपैयाँ राखी प्रहरीलाई घुस दिएकोले निज चुरियारलाई महानगरीय प्रहरी वृत्त ठिमीबाट खटिएको प्रहरी टोलीले पक्राउ गरेको हो । दुवै चालक र सवारी साधन नियन्त्रणमा लिई सम्बन्धमा स्थानीय प्रहरीले आवश्यक अनुसन्धान भैरहेको जनाएको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com