जापानले एक अरव ८५ करोड अनुदान सहायता गर्ने समझदारी
प्रकाशित मिति : कार्तिक ८, २०७५ बिहीबार
जापानले विपी राजमार्ग पुनर्निर्माणका लागि नेपाललाई एक अरव ८५ करोड अनुदान सहायता उपलब्ध गराउने भएको छ ।
अर्थ मन्त्रालयका सचिव डा. राजन खनाल र नेपालका लागि जापानका राजदुत मिसामिची साईगोबीच विपी राजमार्ग पुनर्निर्माणका लागि नेपाललाई उपलब्ध गराईने सो आर्थिक सहायतासम्बन्धि सम्झौंता पत्रमा बिहिबार हस्ताक्षर भएको हो ।
अर्थ मन्त्रालयका आयोजित एक कार्यक्रमका बीच गरिएको सम्झौंता अनुसार आगामी सन् २०२० भित्र विपी राजमार्गको १ सय ६० किलोमिटर भित्रको २० ठाउँमा भूकम्पले पु¥याएको क्षतिको पुनर्निर्माण सम्पन्न गर्नुपर्नेछ । सन् २०२० भित्र पुनर्निर्माणको काम सम्पन्न हुने गरी जापान सरकारले विपी राजमार्ग पुनर्निर्माणका लागि सो अनुदान सहायता उपलब्ध गराउने भएको अर्थ सचिव डा. खनालले जानकारी दिनु भयो ।
कार्यक्रममा बोल्दै नेपालका लागि जापानका राजदुत साईगोले नेपालको कृषि, पर्यटन र विद्यालय तहको बालबालिकाको पठनपाठनलाई सहज बनाउन विपी राजमार्ग पुनर्निर्माणका लागि आर्थिक सहायता उपलब्ध गराउन लागिएको बताउनु भयो । उहाँले नेपालको आर्थिक विकासमा जापान सरकारले आवश्यक सहयोग उपलब्ध गराउँदै जाने प्रतिवद्धता पनि व्यक्त गर्नु भयो ।
२०७२ सालमा आएको विनाशकारी भूकम्पले सो राजमार्ग अन्तरगत २० वटा ठाउँ भाँसिएको थियो । जापान सरकारकै आर्थिक सहायतामा निर्माण गरिएको सो राजमार्ग २०७१ सालदेखि संचालनमा आएको थियो ।