डोनाल्ड ट्रम्प वर्ष व्यक्ति घोषित
प्रकाशित मिति : मंसिर २२, २०७३ बुधबार
टाइम म्यागेजिनले डोनाल्ड ट्रम्पलाई वर्षव्यक्ति घोषित गरेको छ।
थुप्रैको अनुमानलाई उल्ट्याउँदै यस वर्ष अमेरिकी राष्ट्रपति पदको निर्वाचनमा विजयी बनेका ट्रम्प वर्ष व्यक्ति घोषित भएका हुन्।
टाइम म्यागेजिनले हरेक वर्ष सबैभन्दा प्रभावशाली व्यक्तिहरुमध्येबाट वर्षव्यक्ति घोषणा गर्ने गर्छ।
यद्यपि टाइम म्यागेजिनको अनलाइन मतदानमा भने भारतीय प्रधानमन्त्री नरेन्द्र मोदीले सबैभन्दा बढी मत प्राप्त गरेका थिए।
