न्युयोर्कमा फहराइयो नेपालको झण्डा, नेपाल भ्रमण वर्ष २०२० सफल बनाउन परराष्ट्रमन्त्रीको अपिल (फोटो फिचर)
प्रकाशित मिति : आश्विन ९, २०७५ मंगलबार
न्युयोर्कको ज्याक्सनहाइटमा रहेको डाइभर्सिटी प्लाजामा नेपालको झण्डा फहराइएको छ । न्युयोर्क सिटीका मेयरको कार्यालयको विशेष स्वीकृतिमा सार्वजनिक स्थलमा यसरी औपचारिक रुपमा नै नेपालको झण्डा फहराइएको यो नै पहिलो पटक हो । जुन नेपाल र नेपाली डायस्पोराका लागि नै गर्वको क्षण भएको अमित शाहले बताए । विशेष समारोहमा कलाकारहरुबाट सांस्कृतिक र सांगीतिक प्रस्तुतीहरु समेत प्रदर्शन गरिएको थियो ।
अमेरिकी संस्था सुखी न्यूयोर्क र नेपाल अमेरिकी फाउन्डेसन साथै वाणिज्य दूतावास न्यूयोर्कले आयोजना गरेको नेपालको झण्डोतोल कार्यक्रममा सम्बोधन गर्नुहुँदै परराष्ट मन्त्री प्रदिप ज्ञवालीले नेपाल भ्रमण वर्ष २०२० सफल बनाउन सबैमा आह्रवान गर्नुभएको छ । अमेरिकामा नेपाल भ्रमण वर्षको जतीसक्दो धेरै प्रचार गर्दै भ्रमण वर्ष सफल बनाउन लागिपर्न आह्रवान गर्नुभएको हो ।
पराराष्ट मन्त्री ज्ञवालीले सरकारले दुई वर्षभित्र २० लाख पर्यटक ल्याउन ‘नेपाल भ्रमण वर्ष २०२०’ अभियान घोषणा गरेको जानकारी दिर्दै सो भ्रमण वर्ष सफल बनाउन आह्रवान गर्नुभएको हो ।
प्रधानमन्त्री केपी शर्मा ओली संयुक्त राष्ट्र सङ्घको महासभाको ७३औँ अधिवेशनमा भाग लिन नेपाली प्रतिनिधिमण्डलको नेतृत्व गर्दै न्युयोर्क हुनुहुन्छ र उहाँको प्रतिनिधिमण्डलमा परराष्ट्रमन्त्री ज्ञवाली सहभागी हुनुहुन्छ ।
