Follow @khasokhasmag

नेपाल र क्यानडाका प्रधानमन्त्रीबीच भेट, दुइपक्षीय परामर्श संयन्त्र बनाउने समझदारी


प्रकाशित मिति : आश्विन ९, २०७५ मंगलबार

संयुक्त राष्ट्रसंघको महासभामा भाग लिन न्युयोर्क पुग्नुभएका नेपालका प्रधानमन्त्री केपी शर्मा ओली र क्यानडाका प्रधानमन्त्री जस्टीन ट्रुडेउबीच दुईदेशबीचको सम्बन्ध अझ बलियो बनाउनका लागि दुइपक्षीय परामर्श संयन्त्र बनाउने समझदारीपत्रमा हस्ताक्षर भएको छ । आज भएको भेटवार्तामा आफूले नेपालका प्रधानमन्त्री ओलीसँग दुईदेशबीचको सम्बन्ध बलियो बनाउने र प्रजातन्त्र, शुसासन, आर्थिक विकाश, समानता, समावेशीकरणबारे छलफल गरेको क्यानडाका प्रधानमन्त्री जस्टिन टु्रडउले ट्वीटमार्फत जनाउनुभएको छ ।

भेटमा दुईदेशबीचको सम्बन्धका विभिन्न महत्वपूर्ण आयामहरुको पुनरावलोकन गरिएको र विभिन्न बहुपक्षीय विषयहरुमा विचारको आदानप्रदान गरिएको राष्ट्रसंघका लागि नेपाल मिसनको कार्यालय न्युयोर्कका तर्फबाट जारी वक्तब्यमा जनाइएको छ ।

भेटमा प्रधानमन्त्री ओलीले दुई देशबीच सन् १९६५ मा कुटनीतिक सम्बन्ध स्थापना भएपछि दुई देशका प्रधानमन्त्री स्तरमा भेटवार्ता हुने अवसर नजुरेको बताउँदै नेपाललाई निरन्तर सहयोगका लागि क्यानडा सरकारप्रति हार्दिक आभार प्रकट गर्नुभयो । भेटमा नेपालका परराष्ट्रमन्त्री प्रदीप ज्ञवाली, प्रधानमन्त्रीका प्रमुख सल्लाहकार बिष्णु रिमाल, परराष्ट्र सचिव शंकरदास वैरागी, क्यानडाका लागि नेपाली राजदूत कालीप्रसाद पोखरेलको सहभागिता रहेको थियो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com