Follow @khasokhasmag

पृथ्वीको बीच भागमा १५७ औं पटक रक्तदान गर्दा


प्रकाशित मिति : मंसिर ११, २०७३ शनिबार

– अर्जुन मैनाली

विश्वका करिब ४० देशका बिरामीहरूले उपचार गर्न आवश्यक रगत सजिलै पाउँदैनन् । त्यसमध्ये दक्षिण अमेरिकाको एक्वाडोर पनि एउटा देश हो । त्यहा करिब ४० प्रतिशत बिरामीहरूले रगत पाउँदा रहेनछन ।

मैले तीन महिनाअघि अफ्रिकाको मलावीमा अगष्ट २०,२०१६ मा रक्तदान गरेको थिएँ । औलो प्रभावित देश गएकाले अमेरिकामा एक वर्षसम्म रगत दिन पाइँदैन । त्यसैले मैले पृथ्वीको बीच भागको एक्वाडोरका युवाहरूलाई रक्तदान गर्न हौसला प्रदान गर्न नोभेम्बर २२,२०१६ मा १५७ औं रक्तदान गरे ।

एक्वाडोर पुगेकै दिन नोभेम्बर २१,२०१६ मा राजधानी कुइटोको रक्तसंचार सेवामा गएँ । न्युयोर्कभन्दा कुइटो उच्च अल्टिच्युट स्थानमा रहेकाले मेरो ब्लड प्रेसर बढेर डाइसिश्टोलिक ११५ भएछ । रगत दिन १०० भन्दा कम हुनुपर्छ । न्युयोर्कदेखि एक्वाडोरका युवाहरूलाई रक्तदान गर्न उत्साहित गर्न आउनु र आफुले रक्तदान गर्न नपाउँदा धेरै खल्लो लाग्यो ।

15192757_10208324768936599_3533027471777067433_n

सामान्यतया मेरो ब्लड प्रेसर हाइ नै छ । त्यसलाई नियन्त्रण गर्न हरेक दिन बेलुका ५० एम जी को मेटोप्रोलोल औषधि खाने गरेको छु । मन खिन्न पार्दै होटलमा बेलुकाको खाना खाइवरि करिब ९ बजेतिर सुत्न गएँ । रातको १२ बजिसक्यो निन्द्रा पर्दै परेन । त्यसपछि चिसो पानीले आधा घण्टा जति नुहाएपछि पुनः ओछ्यानमा गएँ । निदाउन आँखा बन्द गरे,तर सकिन । धेरै समयपछि बल्ल उज्यालो भयो । सात बजेतिर फेरी नुहाइवरि होटलको लवीमा बसें ।

अघिल्लो दिन रक्तसंचार सेवामा मलाई भाषाको समस्या परेको थियो । एक्वाडोरका मानिसहरूले स्प्यानिस भाषा बोल्छन । अंग्रेजी बुझ्दैनन् । त्यसैले एउटी दोभाषेलाइ २५ डलर तिरेर आधा दिनका लागि सहयोग लिई पुनः रक्तदान गर्न गएँ । त्यहा उपस्थित भएका युवा-युवतीहरूलाई आफ्नो रक्तदानबारे अनुभव सुनाउँदै मैले पनि १५७ औं पटक रक्तदान गरे ।

कार्यक्रमपश्चात करिब १ घण्टा टाढा पृथ्वीको मध्य भागमा रहेको एक्वाडोर लाइन र ल्याटिच्युट ०-०-० भएको स्थानमा गएँ । आफ्नो पाइला लाइनमा राखे । एक्वाडोरको मनुमेन्टमा एउटा तराजु रहेछ । त्यसमा मेरो तौल पृथ्वीको बिच भागमा १८३ पाउण्ड चन्द्रमामा २९३ र सूर्यमा ५१३९ पाउण्ड हुने देखायो ।

15178218_10208324731975675_4711378968992909913_n-1

मैले अब यो ब्रह्माण्डमा जाने ठाउँ र रक्तदान उत्प्रेरणा गराउन काहीं बाँकि रहेन। सबै ठाउँमा गरे पृथ्वीको पश्चिम उत्तरी भाग अलाश्का पूर्वी दक्षिणी भाग अष्ट्रेलिया मध्य भाग एक्वाडोरसहित छ वटै महादेशका दशौँ हजारमा रक्तदान गर्न हौसला प्रदान गरेँ । त्यति मात्र होइन आफ्नो शरीरको अमुल्य रक्तदान गरि ति ठाउँहरूका बिरामीहरूलाई बचाउन सहयोग पनि गरेँ । अर्को अर्थमा मेरो रगत र जिन संसार भरि फैलिएको जस्तो अनुभुती भयो ।

न्युयोर्क निवासी मैनाली चर्चित रक्तदाता हुन् । 

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com