अमेरिकी सिमा गस्ती प्रमुखमा पहिलोपटक महिला

खसोखास अमेरिका ब्यूरो

---

प्रकाशित मिति : श्रावण २६, २०७५ शनिबार

ट्रम्प प्रशासनले अमेरिकी सिमा गस्ती प्रमुखमा पहिलोपटक महिलालाई छनौट गरेको छ । अब अमेरिकी सिमा गस्तीको नेतृत्व कार्ला प्रोभोस्टले गर्ने भएकी छिन् । यसअघि उनी अमेरिकी सिमा गस्तीकी कार्यकारी प्रमुख थिइन् ।

गतबर्षमात्र उनी अमेरिकी सिमा गस्तीकी कार्यकारी प्रमुखमा नियुक्त भएकी थिइन् । सिमा गस्तीको ९४ बर्षको इतिहासमा महिलाले नेतृत्व गरेको यो नै पहिलो पटक हो ।

युएस कस्टम एण्ड बोर्डर प्रोटेक्सनमा कमिश्नर केभिन म्याकलेननले कारलालाई सिमा गस्तीको प्रमुखमा नियुक्त गरिएको घोषणा गरेका हुन् । कमिश्नरले कारला एजेन्टहरुका पनि एजेन्ट रहेको र एजेन्सीका कर्मचारीहरुबाट सम्मान प्राप्त गरेको बताएका छन् ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

गत बर्षदेखि नै कार्यकारी प्रमुख रहेकी कारलाको नियुक्ती अस्वभाविक नभएपनि प्रमुखका रुपमा उनले नियुक्ती लिनुलाई एउटा कोषेढुंगाका रुपमा हेरिएको छ । हाल सिमा गस्तीमा खट्ने महिलाहरुको संख्या ५ प्रतिशतमात्र रहेको छ । जुन अमेरिकाका कुनै पनि संघीय कानुन कार्यान्वयन इकाइमा भएको महिलाको उपस्थीतिमा सबैभन्दा कम हो ।