Follow @khasokhasmag

हेटौडास्थित ओम्याक्स सिनेमा हलमा भीषण आगलागी


प्रकाशित मिति : श्रावण २३, २०७५ बुधबार

मकवानपुरको हेटौडामा रहेको ओम्याक्स सिनेमा हलमा भीषण आगलागी भएको छ ।

आज बिहान १० बजेदेखि लागेको आगलागी अहिलेसम्म नियन्त्रणमा आउन सकेको छैन । हेटौडा उपमहानगरपालिका वडा नम्बर ४ मा रहेको सो सिनेमा हलमा विद्युत सर्ट भएर आगो लागेको हुनसक्ने मकवानपुर प्रहरीले जनाएको छ ।

आगो निभाउन हेटौडा र बाराका दुई वटा दमकल प्रयोग गरिए पनि निभाउन नसकिएको जिल्ला प्रहरी कार्यालय हेटौडाले जनाएको छ ।

जिल्ला प्रहरी कार्यालय मकवानपुरका प्रहरी उपरीक्षक बुद्धिराज गुरुङका अनुसार दुईवटा दमकलले आगो निभाउन नसकेपछि वीरगञ्ज र चितवनबाट पनि दमकल मगाइएको जानकारी दिए ।

उनले नेपाल प्रहरी, शसस्त्र प्रहरी र स्थानीय पनि आगो निभाउन सक्रिय भएको बताए । प्रहरीका अनुसार आगलागीमा मानवीय क्षति नभएपनि आसपासमा आगो फैलन नदिन प्रयास भइरहेको छ ।

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com