नेशनल जोग्राफिकको प्रस्पिर्धामा नेपाली चेली अगाडि, मतदानका लागि अभियान
प्रकाशित मिति : मंसिर ४, २०७३ शनिबार
विश्वचर्चित नेशनल जोग्राफिकको बर्षका साहसीहरुको प्रतिस्पर्धामा नेपाली चेली मिरा राई अग्रपंक्तिमा छिन् ।
१० जनाबीच भइरहेको प्रतिस्पर्धामा राईले अहिलेसम्म ४५ हजार ८ सय ८३ मत ल्याएर सबैभन्दा अग्रपंक्तिमा उभ्याएकी छिन् । उनलाई केभ डाइभरले ४४ हजार ४ सय ७३ मतका साथ पछ्याइरहेका छन् ।
भोजपुरमा जन्मिएकी मिरा राई १२ वर्षको उमेरमा स्कूल छोड्न बाध्य भएकी थिइन् भने १४ वर्षको उमेरमा माओवादी छापामार बनेकी थिइन् । माओवादी मूलधारको राजनीतिमा आएपछि उनी ‘अयोग्य लडाकू’ घोषित भएकी उनी अहिले संसारकै प्रतिष्ठित अल्ट्रा म्याराथन रनर बनेकी छिन् ।
कैयौं अन्तराष्ट्रिय पुरस्कार प्राप्त गरेकी उनी अहिले नेपाली महिलाहरूलाई अल्ट्रा म्याराथन दौडमा आफूभन्दा पनि माथि पुराउने परोपकारी अभियानमा जुटेकी छिन् ।
मिराबारे थप जान्न र मतदान गर्न यहाँ क्लिक गर्नुहोला ।
संसारभर नेपालको शान राख्दै दौडिरहेकी मिरा राईलाई जिताउन फेसबुकमा अभियान नै चलाइएको छ । डिसेम्बर १६ सम्म हरेक दिन भोट गर्न सकिने यो प्रतिस्पर्धाको अन्तिम नतिजा सन् २०१७ को जनवरीमा सार्वजनिक गरिनेछ ।
