नेकपाको पत्रकार संगठनको नाम ‘प्रेस संगठन, नेपाल’


प्रकाशित मिति : श्रावण १६, २०७५ बुधबार

प्रेस चौतारी नेपाल र प्रेस सेन्टर नेपालबीच एकताका लागि गठन भएको कार्यदलको बैठक एकीकृत संगठनको नाम टुंगो लगाएको छ।

बुधबार बसेको कार्यदलको बैठकले संगठनको अन्तरिम विधान–२०७५ लाई अन्तिम रुप रुप दिनुका साथै नामको पनि टुंगो लगाएको छ। एकतापछि बन्ने एकिकृत संगठनको नाम ‘प्रेस संगठन, नेपाल’ अग्रेजीमा Press organisation, Nepal (PON) राख्ने निर्णय भएको बैठकपछि दुवै संगठनका महासचिवद्वारा जारी संयुक्त विज्ञप्तिमा जनाइएको छ।

बैठकले अन्तरिम कालका लागि सबै तहमा कार्यालय, सचिवालय र समिति राख्ने निर्णय गरेको छ।

त्यस्तै केन्द्रीय समिति, अध्यक्ष र महासचिव सहित २ सय २५ सदस्सीय, प्रदेश समिति, अध्यक्ष र सचिवसहित १ सय २५ सदस्सीय, जिल्ला समिति, अध्यक्ष र सचिवसहित ३५ सदस्सीय र शाखा समिति अध्यक्ष र सचिवसहित ९ सदस्सीय हुने पनि बैठकले निर्णय गरेको छ।

त्यस्तै बैठकले आगमी तीन दिनभित्रमा दुबै संगठनका केन्द्रीय समिति र आयोगमा रहने सदस्यहरुको सूचीसहित पार्टीमा पार्टीलाई कार्यदलले संगठन एकताको लागि सिफारिस गर्ने निर्णय गरिएको छ।

बैठकमा पार्टी स्थायी कमिटिका सदस्य तथा प्रेस सेन्टर, नेपालकी इन्चार्ज पम्फा भुसाल, पार्टी स्थायी कमिटिका सदस्य तथा प्रेस चौतारी, नेपालका इन्चार्ज योगेश भट्टराई, कार्यदलका सदस्य तथा प्रेस चौतारी नेपालका अध्यक्ष गणेश वस्नेत र कार्यदल सदस्य तथा प्रेस सेन्टरका अध्यक्ष महेश्वर दाहालको उपस्थीति थियो ।

यसैगरी बैठकमा पार्टीका केन्द्रीय सदस्य विष्णु रिजाल, प्रेस चौतारी नेपालका वरिष्ठ उपाध्यक्ष माधव नेपाल, प्रेस सेन्टर नेपालका उपाध्यक्ष बलराम थापा, महासचिव बिष्णु सापकोटा ‘जुगल’ र प्रेस चौतारी नेपालका महासचिव राजेश राईको उपस्थीति रहेको थियो।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com