ट्रम्प कार्यकालमा ‘दाजुभाई दिदीबहिनी’ ग्रिनकार्ड पाउने नेपाली अहिलेसम्मकै बढी


प्रकाशित मिति : श्रावण १३, २०७५ आईतबार

अमेरिकी राष्ट्रपति डोनाल्ड ट्रम्प राष्ट्रपति भएदेखि नै अमेरिकी नागरिकताप्राप्त व्यक्तिले उनीहरुका दाजुभाई दिदीबहिनी र उनीहरुका पनि परिवारले ग्रिनकार्ड पाउनेगरी स्पोन्सर गर्न पाउने नियमको विरोध गर्दै आएका छन् । तर अमेरिकी नागरिकताप्राप्त नेपालीका दाजुभाई दिदीबहिनी र उनीहरुका परिवारले ग्रिनकार्ड पाउने क्रम ट्रम्प कार्यकालमा सबैभन्दा उच्च रहेको छ ।

अमेरिकामा दाजुभाईदिदीबहिनी श्रेणीको ग्रिनकार्ड पाउनका लागि नेपालीहरुलाई झण्डै १० बर्षको अवधि लाग्छ । आवेदन दिएको झण्डै १० बर्ष कुरेपछि उनीहरुले अमेरिकी ग्रिनकार्ड पाउने गर्छन् । अमेरिकी नागरिकता लिएको व्यक्तिले दाजुभाई दिदीबहिनी, उनीहरुका दम्पत्ति र बच्चाबच्चीका लागि ग्रिनकार्ड आवेदन दिन पाउने प्रावधान रहेको छ ।


आर्थिक बर्ष २०१८ सुरु भएयता नै अमेरिकी नागरिकता प्राप्त नेपालीका दाजुभाई दिदीबहिनी र दाजुभाई दिदीबहिनाीका पनि परिवारका सदस्यहरु गरी १४३ जनाले अमेरिकी ग्रिनकार्ड पाइसकेका छन् । यो ९ महिनामा जति धेरै दाजुभाई दिदीबहिनी श्रेणीको ग्रिनकार्ड ओबामा कार्यकालमा कुनै पनि बर्षमा पाएका थिएनन् ।

९ महिनाको अवधि हेर्दा जुन महिनामामात्र अमेरिकी नागरिकता पाएका नेपालीका ३० जना दाजुभाई दिदीबहिनी (उनीहरुका श्रीमान्, श्रीमति र बच्चाबच्चीसहित) हरुले अमेरिकाको ग्रिनकार्ड पाएको यहाँको विदेशमन्त्रालयले जनाएको छ । जुनमहिनामा अमेरिकी नागरिकता पाएका नेपालीका १० जना दाजुभाई दिदीबहिनी, ८ जना उनीहरुका दम्पत्ति र १२ जना बच्चाबच्चीले अमेरिकी ग्रिनकार्ड पाएका हुन् ।

मेमहिनामा यसरी भिसा पाउनेहरु जम्मा १२ जनामात्र थिए । अप्रिल महिनामा भने ३१ जना दाजुभाई दिदीबहिनी र उनीहरुका परिवारले ग्रिनकार्ड पाएका थिए । मार्च महिनामा १७ जना, फरबरीमा २० जना, जनबरीमा ८ जना दाजुभाई दिदीबहिनी र उनीहरुका परिवारले ग्रिनकार्ड पाएका थिए । आर्थिक बर्ष २०१८ को पहिलो महिना गत अक्टोबरमा ७ जना, नोभेम्बरमा १ जना, डिसेम्बरमा १७ जना दाजुभाई दिदीबहिनी र उनीहरुका परिवारले अमेरिकाको ग्रिनकार्ड पाएका थिए ।

ट्रम्प कार्यकालको पहिलो बर्ष सन् २०१७ मा पनि २०० जना दाजुभाई दिदीबहिनी र उनीहरुका परिवारले अमेरिकाको ग्रिनकार्ड पाएका थिए । त्यस अगाडि सन् २०१६ मा १३२ जनाले, सन् २०१५ मा ९९ जनाले, सन् २०१४ मा ५५ जनाले, सन् २०१३ मा ५० जनाले, सन् २०१२ मा ४७ जना दाजुभाई दिदीबहिनी र उनीहरुका परिवारले ग्रिनकार्ड पाएका थिए ।

ट्रम्प कार्यकालको पहिलो बर्ष सन् २०१७ मा पनि २०० जना दाजुभाई दिदीबहिनी र उनीहरुका परिवारले अमेरिकाको ग्रिनकार्ड पाएका थिए । त्यस अगाडि सन् २०१६ मा १३२ जनाले, सन् २०१५ मा ९९ जनाले, सन् २०१४ मा ५५ जनाले, सन् २०१३ मा ५० जनाले, सन् २०१२ मा ४७ जना दाजुभाई दिदीबहिनी र उनीहरुका परिवारले ग्रिनकार्ड पाएका थिए ।

अमेरिकामा दाजुभाईदिदीबहिनी श्रेणीको ग्रिनकार्ड पाउनका लागि नेपालीहरुलाई झण्डै १० बर्षको अवधि लाग्छ । आवेदन दिएको झण्डै १० बर्ष कुरेपछि उनीहरुले अमेरिकी ग्रिनकार्ड पाउने गर्छन् । अमेरिकी नागरिकता लिएको व्यक्तिले दाजुभाई दिदीबहिनी, उनीहरुका दम्पत्ति र बच्चाबच्चीका लागि ग्रिनकार्ड आवेदन दिन पाउने प्रावधान रहेको छ ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com