यी हुन् एकजनालेमात्र डिभी लोटरी पारेका र पार्दै नपारेका देश
प्रकाशित मिति : असार २९, २०७५ शुक्रबार
सन् २०१९ का लागि डिभी लोटरीको नजिता र लोटरी पार्नेहरुको विवरण सार्वजनिक भएलगत्तै डिभी लोटरीको नतिजामा केही रोचक विवरणहरु समेत देखिएका छन् । कतिपय योग्य देशबाट एकजनाले पनि डिभी लोटरी पारेका छैनन् भने कतिपय देशका १ जनालेमात्र पनि डिभी लोटरी पारेका छन् ।
अफ्रिकाको इस्वाटिनी र सेचेलेसका एकएकजनालेमात्र डिभी लोटरी पारेका छन् । एसियामा बु्रनाई र टिमोर लेस्टका १ जनालाई पनि डिभी लोटरी परेन । उत्तर कोरियाका भने १ जनाले डिभी लोटरी पारेका छन् ।
अमेरिकाले सार्वजनिक गर्यो २०१९ का लागि डिभी पर्ने नेपालीको विवरण
त्यस्तै युरोपको एण्डोराका एकजनालाई पनि डिभी लोटरी परेन । फ्रेन्च पोलिनेसिया, सेन्ट मार्टिन र सेन्ट पिरे एण्ड मिक्वेलनका एकएकजनालाई डिभी लोटरी परेको छ । मोनाको, स्भालबार्ड र सान मारिनोका पनि एकएकजनालाई डिभी लोटरी परेको छ ।
ओसियानाका मार्शल आइल्याण्ड, तुभालु र भानुआटुका कसैलाई पनि डिभी लोटरी परेन । तर माइक्रोनेसियाका एकजनालाई डिभी लोटरी परेको छ । साउथ अमेरिकामा बेलिज, सेन्ट लुसिया र सुरिनामका कसैलाई पनि डिभी लोटरी परेन ।
अहिलेसम्म ५५ हजार नेपालीले पारे डिभी लोटरी, यसरी हेरौं यसबर्षको नतिजा
सन् २०१९ का लागि बंगालादेश, ब्राजिल, क्यानडा, चीनको मुख्यभूमी, कोलम्बिया, डोमेनिकन रिपब्लिक, एल साल्भाडोर, हैटी, भारत, जमैका, मेक्सिको, नाइजेरिया, पाकिस्तान, पेरु, फिलिपिन्स, साउथ कोरिया, नर्थन आयरल्याण्ड बाहेक युके र त्यसका माताहतका भूभागहरु, र भियतनाम डिभी लोटरीका लागि योग्य थिएनन् ।