बर्मा र लाओसका सरकारी अधिकारीलाई अमेरिकी भिसा प्रतिबन्ध
प्रकाशित मिति : असार २७, २०७५ बुधबार
![](https://i0.wp.com/www.khasokhas.com/wp-content/uploads/2018/07/laos-burma-01.jpg?fit=800%2C660&ssl=1)
अमेरिकी सरकारले बर्मा र लाओसका सरकारी अधिकारीहरुमाथि भिसा प्रतिबन्ध लगाएको छ । अमेरिकाबाट देशनिकाला हुने बर्मा र लाओसका नागरिकलाई ती देशले फिर्ता लिनमा अमेरिकासँग समन्वय नगरेको भन्दै भिसा प्रतिबन्ध लगाइएको हो ।
जुलाई ९ देखि लागु हुने गरी ती देशका सरकारी अधिकारीहरुलाई अमेरिकी दूतावासले बी वान, बी टु भिसा जारी गर्न छाडेको छ । सरकारी अधिकारीहरुका नजिकका नातेदारहरुले पनि अमेरिकाको भिसा पाउने छैनन् । अन्य सर्वसाधारणलाई भने भिसामा प्रतिबन्ध लगाइएको छैन ।
अमेरिकाबाट देशनिकाला हुने आफ्ना देशका नागरिकलाई फिर्ता लिन नमान्ने वा समन्वयन नगर्ने देशहरुमाथि अमेरिकाले भिसा प्रतिबन्ध लगाउदै आएको छ । अमेरिकी विदेशमन्त्रीले बर्मा र लाओसका दूतावासहरुलाई भिसा जारी नगर्न निर्देशन दिइसकेका छन् ।