Follow @khasokhasmag

अमेरिकी सिमाक्षेत्रमा बिछोडिएका बालबालिकाका बाबुआमा निर्धारण गर्न डीएनए परिक्षण


प्रकाशित मिति : असार २१, २०७५ बिहीबार

सिमाक्षेत्रबाट अमेरिका छिर्ने कागजपत्रविहिनहरुका बालबालिकाहरुलाई बाबुआमाबाट अलग राखिएको भन्दै विरोध भएकोमा वास्तविक बाबुआमाको पहिचानको लागि डीएनए परिक्षण सुरु गरिएको छ । बालबालिकालाई बाबुआमासँग भेटाउनु अगाडि वास्तविक बाबुआमा भए नभएको सुनिश्चित गर्न डीएनए परिक्षण सुरु गरिएको संघीय अधिकारीहरुले पुष्टी गरेका छन् ।

मानव तस्करहरुले नक्कली पारिवारिक युनिट खडा गरेर कागजपत्रविहिनहरुलाई अमेरिका छिराउने क्रम बढेपछि अमेरिकी सरकारले यो उपाय अपनाउन थालेको हो । अमेरिकी सरकारले बाबुआमा वा अन्य आफन्तसँग नाता प्रमाणित नभएको, बाबुआमासँग राख्दा बालबालिकाहरु जोखिममा पर्न सक्ने अवस्था रहेको वा बाबुआमालाई अपराधको अभियोग लागेको सन्दर्भमा सिमाक्षेत्रबाट अमेरिका छिर्ने बालबालिकाहरुलाई छुट्टै हिराशतमा राख्दै आएको छ ।

विगत दुई महिनाको अवधिमा यसरी २५ सय बालबालिकाहरुलाई अलग राखिएका रिपोर्टहरु सार्वजनिक भइरहेका छन् । अफिस अफ रिफ्युजी रिसेटलमेन्टमा बाबुआमाबाट अलग राखिएका बालबालिकाहरु टेक्सासमा सबैभन्दा धेरै रहेको छन् । टेक्सासमा ९४४, एरिजोनामा ३७९, न्युयोर्कमा ३२७, फ्लोरिडामा १७९ , इलिनोयमा ६५ र अन्य राज्यमा त्यो भन्दा कम रहेको तथ्यांकले देखाएको छ ।

परिवारलाई एकतृत गर्न राष्ट्रपति ट्रम्पले दिएको कार्यकारी आदेश र अदालती आदेशपछि ट्रम्प प्रशासनसमक्ष केही डेडलाइनहरु रहेका छन् । आगामी शुक्रबारसम्म सरकारी अधिकारीहरुले बिछोडिएका बालबालिकालाई बाबुआमासँग भेटाउन उपायको पहिचान गरिसक्नुपर्नेछ । अर्को मंगलबारसम्म ५ बर्ष मुनिका बालबालिकाहरुलाई बाबुआमासँग मिलाइसक्नुपर्नेछ । आगामी जुलाई २६ सम्म सबै बालबालिकाहरुलाई बाबुआमासँग मिलाउनुपर्नेछ ।

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com