अष्ट्रेलियाको नागरिकताको लागि किन मरी मेट्छन् नेपालीहरु ?


प्रकाशित मिति : असार १५, २०७५ शुक्रबार

अष्ट्रेलियामा अन्य देशका मानिसहरु आएर बसाइसराइ गर्ने क्रम बढिरहेको छ । अष्ट्रेलिया आएका विदेशीहरु यहाँको पीआर र त्यसपछि नागरिकता लिन लालायित हुन्छन् । २०१५ / १६ मा मात्र १९० देशका १ लाख ३३ हजार विदेशीले अष्ट्रेलियाको नागरिकता लिएका छन् । यहाँको नागरिकता लिन किन लालायित हुन्छन् विदेशीहरु? अष्ट्रेलियाको नागरिकता लिनुका फाइदाहरु के हुन् त ?

१. भोट

अष्ट्रेलियाको नागरिकता पाएपछि तपाईंले भोट गर्न सक्नुहुन्छ । अष्ट्रेलियामा हरेक नागरिकताधारीले भोट गर्नुपर्ने हुन्छ । यदि तपाईंसंग नागरिकता छ र भोट गर्नुभएन भने १८० डलर सम्म तिर्नुपर्ने हुन्छ ।

२. राजनीति

अष्ट्रेलियाको नागरिकता लिसकेपछी अष्ट्रेलियाको राजनीतिमा प्रत्यक्ष संलग्न हुन सकिन्छ ।

३. सैनिक

अष्ट्रेलियाको नागरिकता लिएको व्यक्ति अष्ट्रेलियाको सेनामा भर्ति हुन सक्छन्।

४. वकालत
अष्ट्रेलियाको नागरिकता लिएपछि मात्र अष्ट्रेलियाका अदालतहरुमा काम गर्न पाइन्छ ।

५. पासपोर्ट
अष्ट्रेलियाको नागरिकता लिसकेपछि अष्ट्रेलियाको पासपोर्ट लिनको लागि योग्य भइन्छ । अष्ट्रेलियाको पासपोर्ट भएको व्यक्तिलाई विश्वका विभिन्न १७० वटा राष्ट्रमा जान भिसा चाहिंदैन ।

६. सुरक्षा
अष्ट्रेलिया सरकारले आफ्ना नागरिकहरुको सुरक्षाको लागि सतर्कता अपनाउँछ । अरु देशमा जाँदा समेत कन्सुलरबाट विभिन्न सहयोग लिन सकिन्छ ।

७. सन्तानलाई नागरिकता
अष्ट्रेलियाको नागरिकता लिएका आमाबाबुबाट जन्मेका सन्तानले स्वत: अष्टेलियाको नागरिकता पाउँछन् ।

८. HELP
हेल्प अन्तर्गत अष्ट्रेलिया सरकारले विद्यार्थीहरुलाई पढ्नको लागि ऋण दिन्छ र त्यो ऋण लिनको लागि अष्ट्रेलियाको नागरिकता चाहिन्छ ।

९. स्थायी बसोवास
अष्ट्रेलियाको नागरिकता हुने व्यक्ति अष्ट्रेलियामा स्थायी बसोवास गर्न सक्छन् । तर, यदि बिचमा अष्ट्रेलिया छोडेर अन्य देश बस्ने र पछि फर्केर आउने हो भने रेसिडेन्ट रिटर्न भिसा लिनुपर्ने हुन्छ । त्यस्तै कुनै अपराध गरेमा र अष्ट्रेलियाको सुरक्षामा बाधा उत्पन्न गरेमा अष्ट्रेलियाले देश निकाला गर्न सक्छ ।

१०.न्युजिल्याण्ड बसाइसराइ
अष्ट्रेलियाको नगारिकता हुने व्यक्ति न्युजिल्यान्डमा गएर बस्न पाउँछन् ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com