अष्ट्रेलिया सरकारले पोइन्ट सिस्टममा बढायो थ्रेसहोल्ड
प्रकाशित मिति : असार १४, २०७५ बिहीबार
अष्ट्रेलिया सरकारले जेनरल स्किल्ड माइग्रेसन भिसामा परिवर्तन गर्ने भएको छ । सरकारले पोइन्ट सिस्टमको थ्रेसहोल्ड बढाउने भएको हो ।
परिवर्तन भएको नियम अनुसार, पोइन्ट सिस्टमको कट-अफ लिमिट अब ६५ हुनेछ । यस अगाडी कट-अफ लिमिट ६० रहेको थियो । यो परिवर्तन आगामी जुलाई १ देखि लागु हुने बताइएको छ । जुन ३० सम्म अप्लाइ गर्नेहरुका लागि थ्रेसहोल्ड ६० नै रहनेछ ।
यो परिवर्तनले धेरैलाई असर गर्ने माइग्रेसन एजेन्टहरुले बताइरहेका छन् ।