डिसीमा प्रहरी महानिरीक्षक सर्बेन्द्र खनाल संग अन्तरक्रिया ,खनालले भने अब मानव तस्करले उन्मुक्ति नपाउने
अमेरिकाको भ्रमणमा रहेका नेपाल प्रहरीका प्रहरी महानिरीक्षक सर्बेन्द्र खनालसंग डिसी महानगर क्षेत्रका नेपाली समुदायले भेटघाट तथा अन्तरक्रिया कार्यक्रम गरेका छन् ।
उनले अमेरिकामा रहेका सबैलाई मात्र हैन आफुलाई विश्वास गर्ने सबै नेपालीलाई मानव तस्करको बारेमा बोल्दै मानव तस्करले उन्मुक्ति नपाउने बताए । उनले अगाडी भने यस्ता तस्कर गर्नेहरुका होस् हवास गएको बताउदै अब उनीहरुका दिन गएका बताए ।
खनालले स्वागत कार्यक्रममा उपस्थित सवैलाई यहाँहरुको भावनाको उच्च कदर गर्दै कहिले कुठाराघात गर्ने छैन । आफ्नो सहयोग सदैव सकारात्मक हुने बताउदै जस्तो सुकै कठिनाईलाई छिचोल्ने छु । र यहारुले दिएको जिम्मेबारीलाई शिरोधार्य गर्ने प्रतिबद्धता जाहेर गरे ।
उनले आफ्ना कुराहरु राख्दै अगाडी भने यहाँहरुको शिर कहिले निहुर्याउने छैन भन्दै अमेरिकाका नेपालीले भूकम्प गएको समयमा मातृभूमिलाई गरेको मानवीय सहयोगको प्रशंसा गरे । खनालले यहाहरुको मार्ग दर्शन ,सल्लाह सुझावको अपेक्षा गर्दै यहाहरु प्रति भरोसा रहेको बताए ।
उनले शान्ति सुरक्षाको बारेमा बिशेष जोड दिदै नेपाल पहिला जस्तो सुरक्षाको दृष्टिले भयभित हुनु पर्ने अवस्था नरहेको बताए । उनले अगाडी भने राम्रा काम गर्ने को उजागार गर्ने र नराम्रा काम गर्ने लाई कानुनको कठघरामा उभ्याई कानुन बमोजिम कारवाई गर्न नहट्ने बताए । साथै हामी छिटो काम गर्ने पक्षमा भएको बताउदै अब नेपालमा डराई रहनु नपर्ने बताए ।
उनले साइबर अपराधले बिश्वब्यापी रुपमा संजाल फैलाएको भएता पनि नेपालमा यस बारेमा काम गरि रहेको बताए । र यस्ता साइबर अपराधीलाई कानुनको घेरामा ल्याई रहेको जानकारी गराए ।
उक्त भेटघाट तथा स्वागत कार्यक्रममा डिसी महानगर क्षेत्रका विभिन्न पेशामा संलग्न बिशेष व्यक्तित्व तथा समाजसेवीहरुको उपस्थिति रहेको थियो ।
महानिरीक्षक सर्बेन्द्र खनाल अमेरिकाको न्यूयोर्कस्थित संयुक्त राष्ट्र संघको प्रधान कार्यालयमा आयोजना हुने दुई दिवसीय संयुक्त राष्ट्रसंघीय प्रहरी प्रमुखहरुको द्धितीय सम्मेलन २०१८मा नेपालको तर्फबाट सहभागी हुन न्यूयोर्क आएका थिए ।
स्वागत ,सम्मान तथा अन्तरक्रिया कार्यक्रममा सहभागीहरुले जिज्ञाशा राखेका थिए भने खनालले पनि सबैको चित्त बुझ्दो जवाफ दिएका थिए । कार्यक्रम युनाईटेड नेपाल तथा डिसी महानगर क्षेत्रका सबै संचार माध्यमको पहलमा सम्पन्न भएको थियो ।
कार्यक्रममा युनाईटेड नेपालको तर्फ बाट किरण प्रताव केसी तथा संचार माध्यमको तर्फ बाट गुणराज लुइँटेलले मन्तब्य राखेका थिए । कार्यक्रममा खादा तथा पुष्प गुच्छा द्वारा सम्मान गरिएको थियो।
