‘काली’ भनेर जिस्काएको निहुँमा महिलाद्वारा पारिवारिक जमघटमा खानामा हालिन् विष, पाँचको मृत्यु
प्रकाशित मिति : असार ९, २०७५ शनिबार
![](https://i0.wp.com/www.khasokhas.com/wp-content/uploads/2018/06/woman_june23_p8f0gW9Ern.jpg?fit=600%2C450&ssl=1)
कालो वर्णको भएको भनेर जिस्काएको निहुँमा भारतको महाराष्ट्रस्थित राइगड जिल्लामा एक महिलाले पारिवारिक कार्यक्रममा खानामा विष मिलाउँदा पाँच जनाको मृत्यु भएको छ ।
यो घटना गत जुन १८ मा भएको थियो । आरोपित प्रज्ञा सुरभासेले उनका आफन्त सुभाष मानेको महाड गाउँमा रहेको घरमा आयोजित एक कार्यक्रममा खानामा कटनाषक औषधि मिसाएकी थिइन् ।
विषाक्त खानाका कारण चार बालबालिकासहित एक बृद्धको मृत्यु भएको छ ।
घटनामा ८० जनाभन्दा बढी फुड पोइजनिङको कारण अस्पताल भर्ना भएका थिए ।
प्रहरीले यस घटनामा अनुसन्धान गरेर ती महिलालाई पक्राउ गरेको थियो ।
‘उनले पारिवारिक विवादका कारण यस्तो गरेको स्वीकार गरेकी छिन् । १२० जनाभन्दा बढी बिरामी परेका थिए भने पाँच जनाको मृत्यु भएको छ,’ राइगडका प्रहरी प्रमुख अनिल पारास्करले भने ।