आवेदनको चाङपछि रिसिप्टलाई नै १८ महिने ग्रिनकार्डको मान्यता - KHASOKHAS

आवेदनको चाङपछि रिसिप्टलाई नै १८ महिने ग्रिनकार्डको मान्यता

अमेरिकी सरकारको युएससीआईएसमा आवेदनको चाङका कारण ब्याकलग बढेपछि शर्तसहितको ग्रिनकार्डका शर्त हटाउन दिइने आवेदनको रिसिप्टलाई नै १८ महिने ग्रिनकार्डको मान्यता दिइने भएको छ । गत सोमबारदेखि लागु हुने गरी शर्तसहितका ग्रिनकार्डको शर्त हटाउन दिइएका आवेदनपछि प्राप्त आई ७९७ रिसिप्टलाई १८ महिनासम्मका लागि स्टेटस अद्यावधिक रहेको प्रमाणका रुपमा मानिने भएको छ ।

तर त्यस्तो रिसिप्ट आफ्नो एक्सपायर भएको ग्रिनकार्डसँगै राख्नुपर्नेछ । ग्रिनकार्ड एक्सपाएर भएको मितिले १८ महिनासम्म रिसिप्टले काम गर्ने भएपनि यदि १८ महिनासम्म पनि नयाँ ग्रिनकार्ड प्राप्त नभएमा के गर्ने भन्नेबारे भने युएससीआईएसले खुलाएको छैन ।

आई ७५१ र आई ८२९ को प्रोसेसिङ अवधि बढेपछि युएससीआईएसले नयाँ नियम ल्याएको हो । आई ७५१ अस्थायी ग्रिनकार्डको शर्त हटाउन आवेदकबाट फाइल गरिन्छ भने आई ८२९ अस्थायी ग्रिनकार्डको शर्त हटाउन व्यवसायीबाट फाइल गरिन्छ । जुन ११ सम्म पनि पेन्डिङ रहेका केसहरुको सन्दर्भमा युएससीआईएसले नयाँ रिसिप्ट जारी गर्नेछ जसमा अवधि सकिएको ग्रिनकार्डले पनि १८ महिनासम्म काम गर्ने उल्लेख हुनेछ ।

अमेरिकाको शर्तसहितको अस्थायी ग्रिनकार्ड लिएकाहरुले अमेरिकाबाहिर १ बर्ष वा त्यो भन्दा बढी यात्रा गर्नुपरेमा भने रिइन्ट्री परमिट लिनुपर्ने हुन्छ । ट्राभल डकुमेन्ट आवेदन आई १३१ फाइल गरेर त्यस्तो अनुमति लिन सकिन्छ ।

बुधबार, जेष्ठ ३०, २०७५ मा प्रकाशित

Leave a Reply

Your email address will not be published. Required fields are marked *

सम्बन्धित सामाग्री

WP Facebook Auto Publish Powered By : XYZScripts.com