क्युबाको संविधानसभाले नयाँ संविधान निर्माणको प्रक्रिया शुरु
प्रकाशित मिति : जेष्ठ २०, २०७५ आईतबार
क्युबाको संविधानसभाले नयाँ संविधान निर्माणको प्रक्रिया शुरु गरेको छ । शनिबारदेखि नयाँ संविधान निर्माणकार्य सुरु भएको यहाँको संविधानसभाले जानकारी दिएको छ ।
हवानामा शनिबार आयोजना भएको संविधानसभाको एक विशेष अधिवेशनले नयाँ संविधान निर्माण प्रयोजनका लागि एक नयाँ मस्यौदा कार्यदल चयन गरेको छ ।
क्युबाको संविधानसभाका ५७२ जना सदस्यले शनिबार मतदानमार्फत नै ३३ सदस्यीय नयाँ निर्माण मस्यौदा कार्यदल निर्माण गरेको बताइएको छ ।
क्युबाका पूर्वराष्ट्रपति एवम् यहाँको कम्युनिष्ट पार्टीका प्रथम सचिव राउल क्यास्तो यस मस्यौदा कार्यदलका प्रमुखका रुपमा निर्वाचित हुनुभएको छ ।
सो कार्यदलको उपप्रमुखमा क्युबाका राष्ट्रपति माइगेल डियाज क्यानेल निर्वाचित हुनुभएको पनि क्युबाको संविधानसभाद्वारा प्रकाशित विज्ञप्तिमा जानकारी दिइएको छ ।
राष्ट्रपति डियाजले भन्नुभयो, यस कार्यदलले जतिसक्दो चाँडो नयाँ संविधानको मस्यौदा निर्माण गर्छ र यसलाई अन्तिम निर्णयका लागि जनमत संग्रहमा पनि पठाउन सकिने छ ।
क्युबाले गएको सन् २०१० देखि विभिन्न राजनीतिक सुधारका कार्य गरिरहेको छ । राजनीतिमा सुधार र यसका माध्यमबाट दिगो र आर्थिक विकासका विविध प्रयास जारी राखेको छ ।