प्रधानमन्त्री ओलीको चीन भ्रमणको मिति टुंगो लाग्यो
प्रकाशित मिति : जेष्ठ १७, २०७५ बिहीबार
प्रधानमन्त्री केपी शर्मा ओली पाँच दिने चीन भ्रमणमा जादैँछन् । उनको भ्रमणका लागि चिनियाँ र नेपाली पक्षले असार ५ गते चीन प्रस्थान साइत जुराएको हो । प्रधानमन्त्री ओली असार ५ देखि १० गतेसम्म चीन भ्रमणमा रहेको बताइएको छ ।
ओलीको भ्रमणको तयारी गर्न नेपालका लागि चिनियाँ राजदूत लिलामणी पौडेल चीन प्रस्थान गरिसकेको स्रोतले बतायो । ओली सर्वप्रथम चीनको सिचुवान पुग्ने कार्यतालिका छ ।
ओलीको भ्रमण पूर्वतयारीका लागि परामर्शमा आएका चीनका लागि नेपाली राजदूत पौडेल चार दिन नेपाल बसेपछि बेइजिङ फर्केर भ्रमणको तयारी थालेका छन् ।
ओलीको यो पटकको भ्रमणमा चीनसँग अन्तर देशीय कनेक्टिभिटी अन्तरगत रेल सञ्जाल निर्माणसहितका परियोजनामा हस्ताक्षर हुने अनुमान गरिएको छ ।