नुवाकोटका सरकारी कार्यालयहरुमा कार्मचारीनै भेटिदैनन्

हरिकृष्ण पन्थी (युरोप)

---

प्रकाशित मिति : जेष्ठ ५, २०७५ शनिबार

सरकारी कार्यालयहरुमा कामकाजको समय बिहान १० बजे देखि साँझ ५ बजेसम्म हो ।

तर नुवाकोटका केहि सरकारी कार्यालयका कर्मचारीहरु भने मध्यानसम्म पनि कार्यालय पुग्दैनन् । आइतबार मध्यान १२ बजे नुवाकोटको मालपोत कार्यालय, नापी कार्यालय र जिल्ला समन्वय समितीको कार्यालय पुग्दा अधिकांश कर्मचारीका थिएनन् ।

यो नुवाकोट मालपोत कार्यालय, यसको मोठ फाँट मा पंखा नाचिरहेको छ तर कर्मचारी छैनन ।

यस्तै यो भुमीसुधार तथा मुद्धा फाँट यसमा पनि कर्मचारी छैनन् । तर यहाँ भने विचौलिया छन् । उनि आँफु कर्मचारी भएको भन्दै आँफै कागजपत्र मिलाउँदै छन् । हामीले सत्य बुझ्न अरुलाई सोध्न थालेपछि यिनै व्यतmी केहि बेरमै आँफु कर्मचारी नभएको बताउँछन् ।

यस्तै यो नामसारी दाखिला फाँट यसका अधिकृत ईश्वरमान श्रेष्ठ भित्र उल्लेख गरीएपनि कार्याकक्ष भने रित्तो छ ।

यस्तै यो दर्ता चलानी फाँट यसमा पनि कर्मचारी छैनन् । अब यि सबै कर्मचारीको व्यवस्थापन गर्ने कार्यालय प्रमुखको कार्याकक्ष, यो कार्याकक्ष करीब १ बर्ष देखि नै खाली छ । कार्यालयका निमित्त प्रमुख बुद्धीलाल श्रेष्ठका अनुसार विभागबाटै कार्यालय प्रमुख नपठाएका ले कार्यालय प्रमुख पद ने रिक्त रहेछ ।

कार्यालय लगभग रित्तो नै भएपछि सेवाग्राहीले कसरी सेवा पाउनु । निमित्त कार्यालय प्रमुख बुद्धीलाल श्रेष्ठ भने कर्मचारी आउँदै होलन भन्दै १२ बजेसम्म पनि बाटो हेर्दै थिए ।

यस्तै सँगै रहेको नापी कार्यालयका अवस्था पनि उस्तै छ । यहाँको सोधपुछ कक्ष देखि सर्वेक्षक दामोदर सुवेदीको कार्याकक्ष पनि खाली थियो । यहाँ पनि कार्यालय प्रमुख दशरथराज पोखरेलको कार्याकक्ष पनि खाली थियो ।

कर्मचारीको यस्तै तालको कारण सात दिने देखी एउटा काम नभएका सेवाग्राही पनि भेटीए यहाँ । अब जनप्रतिनिधिहरुले नै नेतृत्व गरेको जिल्ला समन्वय समितिको अवस्था पनि फरक छैन ।

हामी जिल्ला समन्वय समीतिको कार्यालयमा पुग्दा उपप्रमुख अपसरा थापा बाहेक कोहि पनि थिएन । उनले सरहरु मिटिङमा गएको बताइन । यो नुवाकोटका सरकारी कार्यालयको हविगत हो ।