गल्तीपूर्ण जारी गरिएका साढे ८ हजार ग्रिनकार्ड फिर्ता लिंदै अमेरिकी सरकार


प्रकाशित मिति : जेष्ठ १, २०७५ मंगलबार

अमेरिकी सरकारले गल्तीसहित जारी गरिएका ८ हजार ५ सय ४३ ग्रिनकार्ड फिर्ता लिन सुरु गरेको छ । मिति लगायतका गल्तीसहित जारी भएका त्यस्ता ग्रिनकार्ड आज सोमबारबाट फिर्ता लिन सुरु गरिएको हो ।

गत फरबरीदेखि अप्रिलसम्म जारी भएका त्यस्ता ग्रिनकार्डमा ग्रिनकार्ड जारी भएको मिति गलत उल्लेख भएको छ । गलत मिति सहित जारी भएका ग्रिनकार्ड होल्डरहरुलाई युएससीआईएसले त्यस्ता ग्रिनकार्ड फिर्ता गर्न सुचीत गर्नेछ ।

युएससीआईएसले प्रिपेड खामसहित सुचना पठाउने र त्रुटी भएका ग्रिनकार्डहरु सुचना पाएको २० दिनभित्र युएससीआईएसलाई पठाउनु पर्नेछ । त्यस्ता त्रुटीपूर्ण ग्रिनकार्डहरु युएससीआईएसको फिल्ड अफिसमा पनि फिर्ता गर्न सकिनेछ । फिर्ता गरेको १५ दिनभित्र युएससीआईएस मिति सच्याएको नयाँ ग्रिनकार्ड पठाउने जनाइएको छ ।

खासगरी अमेरिकी नागरिकका दम्पत्तिले पाउने ग्रिनकार्डमा त्यस्तो त्रुटी भएको जनाइएको छ । त्रुटी सच्याएर नयाँ ग्रिनकार्ड नलिएमा पछि नागरिकता लिने बेलामा समस्या पर्न सक्ने युएससीआइएसले चेतावनी दिएको छ ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com