रुकुमको बजार क्षेत्रमा अटो सौर्यबत्ती, आगामी फागुनदेखि बजार झिलिमिली

प्रकाशित मिति : कार्तिक ११, २०७३ बिहीबार

रुकुमको बजारी क्षेत्रमा अटो (स्वचालित) सौर्यबत्ती जडान गरिने भएको छ । रुकुमको सदरमुकाम खलङ्गा बजार, बागबजार, सोलावाङ, सितलपोखरी, सल्ले बजार लगायतका क्षेत्रमा अटो सौर्यबत्ती जडान गरिने भएको हो ।

अटो सौर्यबत्ती जडानको लागि स्थानीय उपभोक्ता समिति गठन गर्ने प्रक्रिया सञ्चालन भएको स्थानीयबासी महेन्द्र केसीले जानकारी दिए । उनले भने, ‘उपभोक्ता समिति मार्फत जनश्रमदान जुटाउने काम भैरहेको छ ।’

सौर्यबत्ती जडानको लागि नेपाल सरकारको ६५ प्रतिशत अनुदान, मुसिकोट नगरपालिकाको १७ दशमलव ५ प्रतिशत स्थानीय बजारबासीको १७ दशमलव ५ प्रतिशत लगानीमा रकुमको बजार क्षेत्रमा सौर्यबत्ती जडान गर्ने प्रक्रिया शुरु भएको मुसिकोट नगरपालिकाका कार्यकारी अधिकृत चन्द्रकान्त पौडे्लले बताए । उनले भने, ‘पहिलो चरणमा उपभोक्तासँग लगानीका बारेमा छलफल भैरहेको छ ।’ उपभोक्ताहरुले लगानी गर्न आनाकानी गरेको कार्यकारी प्रमुख पौडे्लले बताए । उनका अनुसार शुरुमा ३० ओटा सौर्यबत्ती जडान गर्ने भएपनि स्थानीयको मागको आधारमा थप सौर्यबत्ती जडान गर्ने तयारी भएको छ ।’

पहिलो पटक सञ्चालन हुन लागेको बजारमा अटो सौर्यबत्ती जडान योजनाबाट आगामी फागुन महीनादेखि रुकुमका बजारहरु झिलिमिली हुने छन् । सौर्यबत्ती जडानका लागि झण्डै एक करोड रूपैयाँ लगानी हुने मुसिकोट नगरपालिका रुकुमले बताएको छ । आर्थिक वर्ष २०७३/७४ भित्र रुकुमको सदरमुकाम लगायत आसपासको बजार क्षेत्रमा अटो सौर्यबत्ती जडान हुनेछन् । बजार क्षेत्रमा करीब ५० मिटरको दूरीमा सौर्यबत्ती राख्ने तयारी भइरहेको हो ।

स्रोत: आर्थिक अभियान

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com