४ खानेकुरा जसले तपाईलाई तुरुन्तै निद्रा लगाउनसक्छ
प्रकाशित मिति : भाद्र ८, २०७७ सोमबार
तपाईमध्ये कतिपयलाई निद्रामा समस्या हुनसक्छ । कतिपयलाई रातीमा ब्यूझने समस्या पनि हुनसक्छ ।
आजको समाजमा निद्रामा अनियमितता सामान्य जस्तै हो । झण्डै ६० प्रतिशत अमेरिकनहरुलाई निद्रामा समस्या रहेको तथ्यांक छ । तर निद्रा लागेन भनेर औषधी खानुभन्दा अगाडि सुत्नु अगाडि एकपटक निम्न खानाखाएर खाएर हेर्नुहोस्, तपाईको निद्राको समस्या समाधान हुनसक्छ ।
केरा
केरामा प्रसस्तमात्रामा म्याग्नेशियम हुन्छ, जसले तपाईका मांशपेशीहरुलाई आराम गर्न मद्दत गर्छ । त्यस्तै केरामा पोटासियमको मात्रा पनि हुन्छ । पोटासियमले तपाईको मांशपेशी बाउडिने समस्या समाधान गर्न मद्दत गर्छ । केराले रगतमा चिनिकोमात्रामा सन्तुलन कायम गर्न मद्दत गर्छ भने यसमा पाइने तत्व अनिद्राको समस्यासँग जुध्ने गर्छ । सुत्नुअगाडि केरा खानुभएको खण्डमा तपाईको शरिर र दिमागमा आराम महसुस हुन्छ र राम्रो निद्रा लाग्छ ।
दुधदही
कतिपयले बेलुका सुत्ने बेलामा चिसो दही नखान पनि सुझाव दिन्छन् । तर सुत्नेबेलामा दुध वा दही खानाले निद्रा नलाग्ने समस्या समाधान हुनसक्छ । कहिलेकाँही क्याल्सियमको अभावले निद्रा नलाग्ने समस्या भएको हुनसक्छ । यस्तो अवस्था दुधदही लगायतका दुग्ध उत्पादनहरु खाएमा क्याल्सियमको स्तर बढाउने र अनिद्राको समस्या समाधान गर्न मद्दत पुग्छ । त्यसैले सुत्नु अगाडि दही वा एक गिलास दुध खाएर हेर्ने हो कि ?
चेरी
सुत्नु अगाडि एक गिलास चेरीको जुस खाएर सुतेमा निद्रा नलाग्ने समस्या समाधान हुनसक्छ । चेरीको जुसले तपाईको शरिरमा मेलाटोनिन उत्पादन बढाउँछ । जसले गर्दा तपाईको निद्राको गुणस्तरमा बृद्धि हुनेछ । चेरीले सुत्ने र उठ्ने तालिकालाई समेत नियमित गर्नसक्छ । जुस नभएको खण्डमा तपाईले अलिकति पाकेको चेरी खाएर सुत्न पनि सक्नुहुनेछ ।
साल्मन
प्राकृतिक जलश्रोतमा हुर्केको साल्मनमा ओमेगा थ्री र भिटामिन बी ६ पाइन्छ । जसले तनाव कम गर्न र आराम बनाउन मद्दत गर्छ । भिटामिन बी ६ ले निद्राको लागि चाहिने हर्मोन मेलाटोनिनको उत्पादन बढाउँछ । जसले गर्दा निद्रा सहजै लाग्छ । हालैको एक अध्ययनले साल्मन खानेहरुमा भिटामिन डीको मात्रापनि प्रचुर पाइएको थियो ।
यी तपाईको निद्राको समस्या प्राकृतिक रुपमा समाधानका लागि दिइएका सामान्य सुझावहरु हुन्, स्वास्थ्य सल्लाह होइनन् । यदि कुनै स्वास्थ्य समस्या भएमा चिकित्सिकसँग सम्पर्क गर्नुहोला । यो सामाग्री अल्टरनेटिभ हेल्थ युनिभर्सबाट साभार गरिएको हो ।