काँग्रेस बैठक आज पनि जारी, पदाधिकारीले बोल्ने क्रम सकिएपछि सभापतिले जवाफ दिने


प्रकाशित मिति : बैशाख १४, २०७५ शुक्रबार

नेपाल काँग्रेसको केन्द्रीय समिति बैठक आज पनि जारी छ । आजको बैठकमा पदाधिकारीहरुले बोल्ने कार्यक्रम रहेको पार्टी मुख्यालय सानेपाले जनाएको छ

केन्द्रीय समिति सदस्यहरुले उठाएका विषयमा सभापति शेरबहादुर देउवाले जवाफ दिंदै बैठक आज सक्ने तयारी रहेको प्रवक्ता विश्वप्रकाश शर्माले जानकारी दिनुभयो । उहाँका अनुसार यो बैठकले महासमितिको मितितय गर्ने छ । हिजो बसेको बैठकमा नेता विजय गच्छेदार र गोपालमान श्रेष्ठले आ-आफ्नो धारणा राख्नुभएको थियो ।

नेता गच्छेदारले आफ्नो पार्टी फोरम लोकतान्त्रिक विलय गराउँदा भएका सम्झौता कार्यान्वयनमा जोड दिंदै उपसभापतिमा आफ्नो दाबी प्रस्तुत गर्नुभएको थियो भने नेता श्रेष्ठले उपसभापति आफू हुनुपर्ने दाबी गर्नुभएको थियो ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com