चीन पुगे मोदी, सीमा क्षेत्रको समस्यादेखि क्षेत्रीय मुद्दामा अाज जिनपिङसँग वार्ता हुँदै
प्रकाशित मिति : बैशाख १४, २०७५ शुक्रबार
काठमाडाैं । भारतीय प्रधानमन्त्री नरेन्द्र मोदी अाफ्नाे दुर्इदिने भ्रमणका लागि चीन पुगेका छन्। मोदीले शुक्रबार दिउँसाे चिनियाँ राष्ट्रपति सी जिनपिङसँग वार्ता गर्दै छन्।
माेदी र जिनपिङबीच हुने अाजकाे शिखर वार्तालार्इ ‘दिल-दिल जाेड्ने पहल’काे संज्ञा दिइएकाे छ । अाज माेदीलार्इ दिउँसाेकाे खानापछि जिनपिङले हुबर्इ प्रान्तस्थित एक एेतिहासिक एवं सांस्कृतिक संग्रहालयकाे भ्रमण गराउने र त्यसपछि दुवै नेताबीच गहन वार्ता हुने भारतीय सञ्चारमाध्यमले जनाएका छन् ।
हिन्दुस्तान टाइम्सका अनुसार, चीन भ्रमणमा रहेका प्रधानमन्त्री माेदीले चिनियाँ राष्ट्रपति जिनपिङसँग दुई देशबीच रहेका समस्यामाथि छलफल हुनेछ । भारत र चीनको सीमा क्षेत्रको समस्या समाधान खोज्नुका साथै दुवै देशले क्षेत्रीय मुद्दाहरुलाई सम्बोधनको प्रयास गर्ने बताइएको छ।
सन् २०१४ मा सत्तामा अाएपछिकाे माेदीकाे याे चाैथे चीन भ्रमण हाे । यसपटक दुवै देशकाे सीमाक्षेत्र दाेक्लाममा देखिएकाे विवाद समाधानबारे ठाेस पहल गर्ने बताइएकाे छ ।
यसैबीच, दुर्इ देशका शीर्ष नेता बीच अाज वार्ता हुनु अघिल्लाे दिन बिहीबार भारतीय वायुसेना प्रमुख बीएस धअाेनाले सीमा क्षेत्रमा चीनले शैन्य शक्ति बढाइरहेकाे बताएका थिए । उनले चीनले तिब्बत क्षेत्रमा लडाकु विमान तैनाथ गरिरहेकाे भन्दै भारतीय वायु सेना पनि सकर्क अवस्थामा रहनुपर्ने र शैन्य क्षमता बढाउनुपर्ने अभिव्यक्ति दिएका थिए ।
माेदी चीनबाट फर्किए लगत्तै नेपालकाे भ्रमण गर्ने कार्यक्रम तय भएकाे छ। माेदि यही बैशाख २८ गते नेपाल अाउने तयारी भइरहेकाे जनाइएकाे छ ।