Follow @khasokhasmag

सशस्त्र गणपति तालिममा डिएसपी किरण बस्नेत उत्कृष्ट


प्रकाशित मिति : बैशाख २, २०७५ आईतबार

सशस्त्र प्रहरीको गणपति तालिममा सशस्त्र डिएसपी किरण बस्नेत उत्कृष्ट भएका छन् । यस्तै सशस्त्र डिएसपी सूर्यबहादुर सेन वली अनुसन्धान तर्फ उत्कृष्ट भएका छन् ।

सशस्त्र महानिरीक्षक शैलेन्द्र खनालले उत्कृष्ट दुबैलाई आईतबार पुरस्कार तथा प्रमाणपत्र प्रदान गरेका छन् । गणपति तालिममा प्रशिक्षार्थीहरुलाई स्टाफ ड्युटी, कमाण्ड एण्ड म्यानेजमेन्ट, क्राइम कन्ट्रोल, इन्टेलिजेन्स, अपरेशन अफ वार, ट्याक्टिस, सुरक्षा, विभिन्न ऐननियम तथा सशस्त्र प्रहरी बल नेपालको कामकारवाही लगायतका बिषयमा प्रशिक्षण दिईन्छ ।

दुई महिना अवधिको तालिममा कूल ४५ जना सशस्त्र प्रहरी नायव उपरीक्षकहरु सहभागि रहेका थिए ।

सशस्त्र प्रहरी महानिरीक्षक खनालले कमाण्डर तहका अधिकृतहरुलाई व्यावसायिक क्षमतायुक्त सक्षम र दक्ष बनाउँदै उनीहरुको वृत्तिविकासमा टेवा पु¥याउने अभिप्रायले गणपति तालिम संचालन गरिएको बताएका थिए ।

उनले विगतका विधि र प्रक्रियालाई समयसापेक्ष परिस्कृत गर्दै संगठन एउटा पद्धती अनुसार अगाडी बढ्ने बताउदै भने, ‘संगठनका कामकारवाहीहरु विधिले संचालन हुनेछन्, कार्यक्षेत्रमा जसले राम्रो काम गर्छ उसैको वृत्तिविकास हुन्छ ।’

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com