Follow @khasokhasmag

जब सी जिनपिङको भारतमा पुतला जलाइयो …


प्रकाशित मिति : कार्तिक १, २०७३ सोमबार

ब्रिक्स सम्मेलनमा गोवा पुगेका चीनका राष्ट्रपति शी जिनपिङ्गलाई भारतीय प्रधानमन्त्री नरेन्द्र मोदीले स्वागतमा रेड कार्पेट ओछ्याइरहँदा उनकै देशका विद्यार्थीले पुतला जलाएका छन् । बिहारमा अखिल भारतीय विद्यार्थी परिषदका कार्यकर्ताले चीनका राष्ट्रपतिको भारत भ्रमणको विरोध गर्दै प्रदर्शन गरे । एबीवीपीका कार्यकर्ताले हातमा झन्डा बोकेर चीनिवरुद्ध नाराबाजी मात्रै गरेर चिनियाँ राष्ट्रपतिको पुतला पनि जलाए ।

भारत-पाकिस्तानको सम्बन्धमा आएको चिसोपनाबीद्ब चीनकोतर्फबाट लगातार पाकिस्तानको पक्ष लिएको र उसको मद्दत गरेको भन्दै रिसाएका भारतीयहरु अब सडकमै उत्रन थालेका हुन् । बिहारमा यसको असर देखिन थालेको हो । शुरुमा मेड इन चाइनाको समान नकिन्ने फैसला र अब ब्रिक्स समिटका लागि भारत भ्रमणमा आएका चीनका राष्ट्रपतिको विरोध भएको हो ।

गोवामा मोदीसँग वार्ता भइरहँदा बिहारमा ठाउँ ठाउँमा आक्रोशित मानिसले चीनका राष्ट्रपति शी जिनपिङ्गको पुतला जलाउँदै विरोध भएको कारोबारमा खबर छ । एबीवीपीका संयोजक उमेश कुमारका अनुसार चीनले परोक्षरुपमा पाकिस्तानलाई आतंकवादको मुद्दा समर्थन गरेकाले विरोध गरिएको हो ।

यस्तोमा चीनसँग कुनै प्रकारको सम्बन्ध भारतले राख्न नहु्ने उनको तर्क छ । भारतीयहरुले यस पटकको दीपावलीमा चिनियाँ सामानको बहिष्कार अभियानलाई पनि सशक्त बनाउने तयारी गरेका छन् । यसभन्दा अघि बिहारको औरङ्गाबाद जिल्लाको ओबरा पञ्चायतको ग्राम कचहरीमा मेड इन चाइना सामानको बहिष्कार गर्ने उर्दी जारी गरिएको थियो ।

अर्कातिर भागलपुर जिल्ला प्रशासनले पनि एक आदेश जारी गर्दै यो पटकको दीपावलीमा कुनै पनि प्रकारका चिनियाँ पटाका किनबेचमा निषेध गरेको छ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com