Follow @khasokhasmag

जारी भएका ४९८ वटा रातो पासपोर्टमध्ये १३० अझै भएनन् फिर्ता


प्रकाशित मिति : चैत्र १२, २०७४ सोमबार

काठमाडौँ । विगत आठ बर्षमा सरकारका उच्च अधिकारीहरुले विदेश भ्रमणका लागि लगेका ४९८ वटा रातो पासपोर्ट मध्ये झण्डै एक तिहाइले अझै फिर्ता नगरेको पाइएको छ । राहदानी विभागका अनुसार यसअघि रातो पासपोर्ट लिएका ४९८ सांसद र मन्त्रीहरुमध्ये ३६८ जनाले मात्रै फिर्ता गरेका हुन् ।

‘बाँकीले पनि फिर्ता गर्ने तयारी गरेको जानकारी आएको छ, दुरुपयोग भएको छैन भन्नेमा हामी विश्वस्त छौ’ राहदानी विभागका महानिर्देशक रामकाजी खड्काले रातोपाटीलाई बताए । राष्ट्रपतिदेखि प्रधानमन्त्री, सांसदलगायतका उच्चपदस्थहरुले रातो पासपोर्ट प्रयोग गर्दै आएका छन् ।

सरकारले सन् २०१० पछि नेपालमा मेसिन रिडेवल (एमआरपी ) लागु गरेको छ । राहदानी विभागका अनुसार विभागबाट हालसम्म ५२ लाख बढीले विभिन्न किसिमका राहदानी लिइसकेका छन् ।
जुन नेपालको जनसंख्याको १९ प्रतिशत रहेको राहदानी विभागका महानिर्देशक खड्काले जनाए ।

यसैवीच अवदेखि संघीय संरचनाका सवै प्रमुखहरुले कुटनीतिक राहदानी प्रयोग गर्न पाउने भएका छन् । तर, उनीहरुले पाउने राहदानीको किसिम भने फरक फरक हुनेछ ।

मन्त्रिपरिषदको सोमबारको निर्णयअनुसार सबै गाउँपालिका प्रमुखले कुटनीतिक राहदानी प्रयोग गर्न पाउने भएका हुन् । यसअघि जिल्ला समन्यसमितिका संयोजकसम्मले मात्रै कुटनीतिक राहदानी पाउने व्यवस्था थियो । तर, उनीहरुले प्रयोग गर्ने राहदानी रातो नभएर निलो रंगको हुनेछ । जसलाई ‘अफिसियल’ राहादानी भनेर चिनिन्छ ।

निलो पासपोर्ट गाउँपालिका प्रमुख, नगरपालिका प्रमुख र उपप्रमुख तथा जिल्ला समन्वय समितिका संयोजकले प्रयोग गर्न पाउनेछन् । यसअघि जिसस र नगरपालिका प्रमुखले यो पासपोर्ट प्रयोग गर्न पाउने व्यवस्था थियो । सरकारको पछिल्लो निर्णयमा गाउँपालिका प्रमुख पनि थपिएका हुन् ।

सरकारले तीन किसिमका राहदानी प्रयोगमा ल्याएको छ ।

जसमा रातो, निलो र हरियो रहेका छन् ।

रातो पासपोर्ट राष्ट्रपतिदेखि, प्रधानमन्त्री, मन्त्री, सांसदलगायत विशिष्ट व्यक्तिहरुले प्रयोग गर्न पाउनेछन् भने दोस्रो तहको पार्सपोर्ट भनेर चिनिने निलो रंगको राहदानीलाई विशेष राहदानी  भनेर चिनिन्छ ।
जुन कर्मचारीले विदेश जान प्रयोग गर्ने गर्छन् ।

साधारण राहदानी भने सवै सर्वसाधारणले प्रयोग गर्न सक्नेछन् । जसको रंग हरियो हुन्छ ।

Ratopati

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com