Follow @khasokhasmag

एमाले र माओवादी एकताको अन्तरिम राजनीतिक प्रतिवेदन तयार


प्रकाशित मिति : चैत्र ११, २०७४ आईतबार

बामगठबन्धनको एकताका लागि आवश्यक अन्तरिम राजनीतिक प्रतिवेदनको टुङ्गो लागेको छ ।

प्रतिवेदन तयारीका लागि गठन भएको कार्यदलले प्रतिवेदन तयार पारेको हो । समितिले यसअघि नै प्रतिवेदनको मस्यौदा तयार गरेर अध्ययनका लागि नेताहरुलाई वितरण गरेको थियो।

प्रतिवेदनमा एमालेले अबलम्बन गर्दै आएको जनताको बहुदलीय जनवाद र नेकपा माओवादीले मान्दै आएको माओवादलाई महाधिवेशनमा बहस गर्ने उल्लेख छ।

‘भाषिक विषय केही मिलाइयो। कार्यदलबाट प्रतिवेदन तयार भयो’, समितिका सदस्य देवेन्द्र पौडेलले भने, ‘अब हामी संयोजन समितिमा पेश गर्छौं।‘

राजनीतिक प्रतिवेदनले दुई पार्टीको एकताको सैद्धान्तिक आधार र राजनीतिक दिशाबोध गर्ने पौडेलले बताए।

एमाले र माओवादीको एकता संयोजन समितिको बैठक सोमबार बस्दैछ। नेकपा एमालेका अध्यक्षसमेत रहेका प्रधानमन्त्री केपी शर्मा ओलीको भारत भ्रमण अघि दुई पार्टीले एकता गर्ने तयारी गरिरहेका छन्।

 

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com