लस एन्जलसमा आइतबारदेखि सुरु अध्यागमन छापामा १ सय पक्राउ
प्रकाशित मिति : फाल्गुन ३, २०७४ बिहीबार
अमेरिकाको लस एन्जलसमा आइतबारदेखि इमिग्रेशन एण्ड कस्टम इन्फोर्समेन्ट आइसले सुरु गरेको अध्यागमन छापामा बुधबारसम्म कम्तीमा १ सय जना पक्राउ परेका छन् । कागजपत्रविहिनहरुलाई नियन्त्रणमा लिनका लागि आइसले आइतबारदेखि त्यहाँ अपरेशन सुरु गरेको हो ।
लस एन्जलस प्रहरी डिपार्टमेन्ट र अन्य क्यालिफोर्नियाका कानुन कार्यान्वयन निकायहरुको आइसको छापामा आफूहरुले उनीहरुसँग समन्वय नगर्ने बताएका छन् । आइसका प्रवक्ता सराह रोडरिगेजले आइसको छापा समाप्त भएपछिमात्र त्यसबारेको विवरण सार्वजनिक गर्ने बताएकी छिन् ।
आइसले एल एन्जलस, अरेन्ज, रिभर साइड, सान बर्नान्डिनो, सान्ता बारबरा लगायतका क्षेत्रमा छापा मारेको छ । केही साता अगाडि उत्तरी क्यालिफोर्नियाका ७७ ब्यापारमा छापा मारेपछिको यो त्यसक्षेत्रको सबैभन्दा ठूलो अपरेशन हो ।