त्रिशुलीमा बेपत्ता सचिवको शव भेटियो, दुई जनाको खोजी जारी
प्रकाशित मिति : माघ २७, २०७४ शनिबार
काठमाडौं : धादिङको चलाङघाटबाट त्रिशूली नदीमा जीप खस्दा बेपत्ता भएका सिँचाइ मन्त्रालयका सचिव रामानन्दप्रसाद यादवको शव भेटिएको छ।
शनिबार बिहान बा २ झ ३१४० नम्बरको जीप त्रिशुलीमा खस्दा तीन जना बेपत्ता भएकोमा सचिव यादवको शव भेटिएको र अन्य २ जनाको खोजी कार्य भइरहेको घादिङ प्रहरीका एसपी ध्रुवराज राउतले जानकारी दिए।
दुर्घटनाग्रस्त जीप पनि भेटिएको प्रहरीले जनाएको छ।