Follow @khasokhasmag

नेपाल–भारत प्रबुद्ध समूहको बैठक सम्पन्न


प्रकाशित मिति : आश्विन १९, २०७३ बुधबार

सन् १९५० को शान्ति तथा मैत्री सन्धि संशोधन गर्ने विषयमा केन्द्रित भएको नेपाल भारत प्रबुद्ध समूहको बैठक समाप्त भएको छ। नयाँ दिल्लीमा असोज १८ र १९ मा बसेको समूहको दोस्रो बैठक समाप्त भएको हो।

बैठकमा नेपालले १९५० को शान्ति तथा मैत्री सन्धिमा संशोधन हुनुपर्ने प्रस्तावलाई महत्वका साथ उठाएको थियो। सो सन्धि असमान सर्तहरुमा आधारित रहेको र सन्धि भएको ६६ वर्ष पुग्दा त्यसको सान्दर्भिकता पनि बदलिइसकेको भन्दै नेपालले उक्त सन्धि संशोधन हुनुपर्ने तर्क अघि सारेको थियो। नेपाली प्रस्तावमा भारतीय पक्ष पनि सकारात्मक रहेको जनाइएको छ।

प्रबुद्ध समूहको बैठकमा भारतले नेपाल र भारतबीचको पारवहन अवस्थामा सुधार गर्ने र साँस्कृतिक र सामाजिक सम्बन्धका बारेमा प्राथमिकताका साथ प्रस्ताव अघि सारेको थियो। सन्धि संशोधनसहित अन्य प्रस्तावहरु छलफलमा प्रवेश गरिसकेको र आउँदो बैठकमा छलफल जारी रहने जनाइएको छ।

तस्विर: राजन भट्टराईको फेसबुकबाट

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com