साढे ८ घण्टापछि अमेरिकी सटडाउन समाप्त, स्थायी खर्च विधयेक पारित
प्रकाशित मिति : माघ २६, २०७४ शुक्रबार
शुक्रबार एकाबिहानै अमेरिकी सदनबाट खर्च विधयेक पारित भएको छ । विहानै राष्ट्रपतिले हस्ताक्षर गरेपछि अमेरिकी सटडाउन औपचारिक रुपमा खुलेको छ । ट्रम्पले ट्वीट्रमार्फत अहिले विहान ८ बजेर ४० मिनेट जाँदा बिलमा हस्ताक्षर गरेको जानकारी दिएका छन् ।
खर्च विधयेकका पक्षमा हाउसमा २४० मत खसेको थियो भने सिनेटमा ७१ मत खसेको थियो । सिनेटमा विहानै ४ बजे मतदान भएको थियो भने हाउसमा विहानै साढे ५ बजे मतदान भएको थियो । यो बिलले संघीय बजेटमा ३ सय २० बिलियन खर्च प्रदान गर्छ ।
खर्चबारेको यो दुईबर्षको बृहद बजेट डिलमा आगामी २ बर्षको लागिे झण्डै १ सय ६० बिलियन सैन्य खर्च छु्टयाइएको छ भने १२८ बिलियन अरु खर्च रहेको छ । ट्रम्पले बिलमा हस्ताक्षर गरेपछि अमेरिकी सेना पहिले भन्दा बलियो हुने बताएका छन् ।
Just signed Bill. Our Military will now be stronger than ever before. We love and need our Military and gave them everything — and more. First time this has happened in a long time. Also means JOBS, JOBS, JOBS!
— Donald J. Trump (@realDonaldTrump) February 9, 2018