न्युयोर्कमा कम आम्दानी हुनेलाई मासिक १५ डलरमा इन्टरनेट सेवा प्रदान गर्न अदालतको आदेश
प्रकाशित मिति : बैशाख १५, २०८१ शनिबार
अब न्युयोर्कमा इन्टरनेट सेवा प्रदायकहरुले कम आम्दानी हुनेहरुलाई अत्यन्तै सस्तो दरमा इन्टरनेट सेवा उपलब्ध गराउनुपर्ने भएको छ । त्यसका लागि न्युयोर्कको कानुन कार्यान्वयनका लागि संघीय पुनरावेदन अदालतले शुक्रबार बाटो खोलिदिएको छ ।
म्यानहटनको पुनरावेदन अदालतले २०२१ को तल्लो अदालतको निर्णयलाई उल्टाएको हो । त्यतीबेला यो नीति लागू हुनुभन्दा केही दिन अघि नै अदालतले रोकेको थियो।
जस अनुशार इन्टरनेट सेवा प्रदायकहरूले कम आय भएका बासिन्दाहरूलाई भारी छुट दरहरू प्रस्ताव गर्न आवश्यक पर्ने कानुन लागु गर्ने बाटोमा न्युयोर्क अगाडि बढ्नेछ । राज्यको कानुनले इन्टरनेट कम्पनीहरूलाई कम आय भएका न्युयोर्कवासीहरूलाई प्रति महिना १५ डलर सम्मको ब्रोडब्यान्ड सेवा नदिए राज्यले सेवा प्रदायकलाई जरिवाना गर्नेछ ।
टेलिकम ट्रेड समूहहरूले राज्यको कानुन विरुद्ध मुद्दा दायर गरेका थिए । उनीहरुले सेवा प्रदायकको धेरै पैसा खर्च हुने र यसले इन्टरनेट सेवालाई नियन्त्रण गर्ने संघीय कानुनको उल् लंघन गर्ने उनीहरुले तर्क गरेका थिए । सेवा प्रदायकहरुले अब आफ्नो अर्को कानुनी कदम चाल्नेबारे विचार गरिरहेको बताएका छन् ।
न्यूयोर्क राज्यका सांसदहरूले बजेटको भागको रूपमा सन् २०२१ मा उक्त कानुनको अनुमोदन गरेका थिए । यो नीतिले कम आय भएका बासिन्दाहरूलाई इन्टरनेटमा पहुँच प्रदान गर्नेछ ।