मोटरसाइकल ट्रकमा ठोक्किँदा एक जनाको मृत्यु
प्रकाशित मिति : माघ १८, २०७४ बिहीबार
माघ १८, मोरङ । –सुनसरीमा भएको गाडी दुर्घटनामा एकजनाको ज्यान गएको छ । रामधुनी नगरपालिका –२ को पूर्व–पश्चिम राजमार्गमा रोकी राखेको ट्रकमा मोटरसाइकल ठोक्किँदा मोटरसाइकल चालकको ज्यान गएको हो ।
ज्यान गुमाउनेमा सुनसरी रामधुनी –५ का नैनबहादुर बन्जरा रहेका प्रहरीले जनाएको छ । बुधबार साँझ मोटरसाइकल रोकीराखेको ट्रकमा ठोक्किएको थियो ।
दुर्घटनामा गम्भीर घाइते बन्जराको जिल्ला अस्पताल इनरुवामा उपचारको क्रममा ज्यान गएको इलाका प्रहरी कार्यालय पकलीले जनाएको छ ।