सुचना पाउन आवेदकलाई हुलाक खर्च बेहोरेको खाम पठाउन युएससीआईएसको निर्देशन
प्रकाशित मिति : माघ १०, २०७४ बुधबार
अमेरिकामा अस्थायी कृषि कामदारका लागि आवेदन दिनेहरुले आवेदनसहित हुलाक खर्च बेहोरेका खाम पठाउन युएससीआईएसले अस्थायी कृषि कामदार अर्थात् एच टु ए आवेदकहरुका नाममा सुचना जारी गरेको छ । सोमबारदेखि लागु हुने गरी युएससीआईएसले आवेदनसहित प्राप्त हुने हुलाक खर्च बेहोरेका खाममा आवेदनबारेको निर्णय वा थप कागजात माग गरिएको सुचना हालेर फिर्ता पठाउने जनाएको छ ।
युएससीआईएसले आवेदकको इमेल ठेगानामा आवेदन प्राप्त भएको र स्वीकृत भएमा त्यसको समेत जानकारी पठाउने छ । त्यस्तै आवेदन स्वीकार भएको सुचना हुलाकबाट समेत युएससीआईएसले पठाउने छ । तर आवेदकले आवेदन स्वकार भएको सुचना वा थप कागजात मागेको सुचना शीघ्र प्राप्त गर्न चाहेको खण्डमा भने आवेदनसहित हुलाक खर्च बेहोरिएका खामहरु समेत साथै पठाउनुपर्नेछ ।
हुलाक खर्च बेहोरिएका खामबाट युएससीआईएसले आवेदन प्राप्त भएका सुचना भने नपठाउने जनाइएको छ । आवेदकले एउटामात्र खाम पठाएमा युएससीआईएसले थप कागजात माग्नु परेमा त्यसका लागि खामको प्रयोग गर्नेछ । यदि थप कागजात माग्नु नपरेमा पनि स्वकार भएको वा अस्वीकृत भएको सुचना पठाउनु परेमा पनि त्यो खामको प्रयोग हुनेछ । तर आवेदनमा थप कागजात मागिने सम्भावना भएकाहरुले भने पहिले नै हुलाक खर्च बेहोरिएका दुईवटा खामहरु पठाउनुपर्नेछ ।