Follow @khasokhasmag

सार्क सम्मेलन गराउन नेपालको पहल


प्रकाशित मिति : आश्विन १५, २०७३ शनिबार

दक्षिण एसियाली क्षेत्रीय सहयोग संगठन सार्क को १९ औं शिखर सम्मेलनमा चार सदस्य राष्ट्रले सहभागिता नजनाउने भएपछि उत्पन्न अन्योल चिर्न अध्यक्ष राष्ट्र नेपालले पहल गर्ने भएको छ ।

प्रधानमन्त्रीका परराष्ट्र मामिला सल्लाहकार ऋषिराज अधिकारीले सार्क सम्मेलन सम्भव भए तोकिएको समयमा गर्न नभए सक्दाे चाँडाे गर्न नेपालले अध्यक्षको नाताले भूमिका निर्वाह गर्ने बताए । तर, सबै सदस्य राष्ट्रसँग छलफल गर्ने अग्रसरता भने नेपालले देखाएको छैन । नेपालले सार्क देशका राजदूतहरूसँग छलफल गर्न पहल गरिरहेको छ ।

अध्यक्ष मुलुक भएका कारण तटस्थ बस्नुपर्ने भएकाले पनि नेपालले सार्क सम्मेलन गर्ने वातावरण बनाउन सदस्य राष्ट्रहरूलाई आग्रह गरिरहेको छ । बुधबार राति नेपालले सबै राष्ट्रले वातावरण बनाउनुपर्ने भन्दै विज्ञप्ति निकालेको भए पनि बिहीबार पुन: अर्को विज्ञप्ति निकालेर सार्कको आयोजक राष्ट्र पाकिस्तानले त्यस्तो वातावरण बनाउनुपर्ने जनाएको कान्तिपुरमा खबर छ ।

सार्क बडापत्रमा एक सदस्य मुलुक उपस्थित नभए पनि शिखर सम्मेलन नहुने व्यवस्था छ । चार सदस्य मुलुक बंगलादेश, भुटान, अफगानिस्तान र श्रीलंकाले एकैपटक अहिलेको अवस्थामा शिखर सम्मेलनमा सहभागी नहुने बताइसकेका छन् ।

नेपालले सबै सदस्य राष्ट्रसित छलफल गरी स्थान परिवर्तन गराएर भए पनि सम्मेलन गराउन सक्दा मुलुकको कूटनीतिक हैसियत माथि उठ्ने कूटनीतिज्ञहरू बताउँछन् । सार्कमा दुईपक्षीय मामिला प्रतिनिधित्व हुन नहुने र पछिल्लो शिखर सम्मेलनअनुरूप मन्त्रीस्तरबाट तिथि तय भएपछि सार्न नहुने भन्ने प्रावधानलाई अघि बढाएर स्थान परिवर्तन गरेर भए पनि शिखर सम्मेलन गर्नुपर्ने उनीहरू बताउँछन् ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com