टिपिएसबारे एनआरएनए न्यूयोर्कले अन्तक्र्रिया गर्ने


प्रकाशित मिति : पुस २७, २०७४ बिहीबार

अमेरिकाले नेपाललाइ दिदै आएको टेम्पोरेरि प्रोटेक्टेड स्टाटस (टिपिएस) नविकरणका बारे विभिन्न आशंका उब्जिरहेको सन्दर्भमा गैरआवसीय नेपाली संघ अमेरिका, न्यूयोर्क च्याप्टरले टिपिएसको भविश्य बारे बृहद अन्तक्र्रिया गर्ने भएको छ ।

च्याप्टरको गत डिसेम्बर २६ तारिख बसेको बैठकले टिपिएस व्याप्त अन्योललाइ चिर्न कानून व्यवसायी र आम सरोकारवालाको विचमा एक आगामि जनावरि १४ तारिखका दिन सार्वजनिक कार्यक्रम गर्ने निर्णय गरेको हो । ओमशक्ति मन्दिर, ज्याक्सन हाइटस्मा हुने कार्यक्रममा कानूनविद्धहरु खगेन्द्र जिसी, केशवराज सेढांइ र गिरिजा गौतमले परामर्श दिनुहुने छ । कानूनविद्धहरुले उपस्थित टिपिएसग्राहि तथा अन्य सहभागीको कानूनी जिज्ञासाको समाधान गर्नुहुनेछ । टिपिएस नविकरण नहुने अवस्था आएमा टिपिएसग्राहिका लागी अन्य बैधानिक विकल्पहरु के के हुनसक्छन् भन्ने बिषयमा पनि कानून व्यवसायीले परामर्श दिने एनआरएनए न्यूयोर्क च्याप्टरका अध्यक्ष रामहरि अधिकारिले बताउनु भयो । कार्यक्रमा नेपाली महाबाणिज्य दुतावास न्यूयोर्कका महाबाणिज्यदुत मधु मरासिनीले टिपिएस नविकरणका सम्बन्धमा नेपाल सरकारले गरिरहेको पहलका बारेमा जानकारि दिनुका साथै सहभागीको जिज्ञासाको जवाफ पनि दिनुहुनेछ । पत्रकार किरण मरहठ्ठाले संचालन गर्ने कार्यक्रम दिउसो ३ बजेबाट शुरु हुनेछ ।


अमेरिकाले २०१५ को विनासकारि भूकम्प पश्चात नेपाललाइ २०१५ को डिसेम्बरदेखि लागु हुने गरि टिपिएस सुविधा प्रदान गरेको थियो । गतबर्ष डेढबर्षको लागी नविकरण गरिएको टिपिएसको म्याद यहि जुनमा सकिदैछ । अमेरिकी सरकारले निकारागुवा, हैटि र एल साल्भाडोरको टिपिएस नविकरण नगर्ने निर्णय गरिसकेको छ भने आगामी अप्रिल भित्र नेपालको बारेमा निर्णय गर्ने सम्भावना छ । टिपिएस सुविधा प्राप्त नेपालीको संख्या १४ हजार आठसय छ ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com