Follow @khasokhasmag

छोरी जन्मिएपछि अस्पतालबाटै भागिकी महिला फेला


प्रकाशित मिति : पुस ७, २०७४ शुक्रबार

पुस ७ वीरगंज– नेशनल मेडिकल कलेज, वीरगञ्जबाट हराएकी सुत्केरी महिला बाराको जिल्ला अस्पतालमा फेला परेकी छिन् । सर्लाही कवालावासी घर भएकी २० वर्षीया ललिता देवी बुधबार बेलुका अस्पतालबाट हराएकी थिइन् ।

उनलाई शुक्रबार जिल्ला अस्पताल कलैयामा फेला पारिएको जिल्ला प्रहरी कार्यालय पर्साका डिएसपी राजन लिम्बुले बताए ।
ललिताले छोरी जन्माएकी थिइन् । छोरी जन्माएकै कारण आफूमाथि परिवारबाट अपहेलना हुने भयले उनी भागेको आशंका गरिएको छ ।

बुधबार राति ११ बजे उनी अस्पतालबाट हराएकी थिइन् । उनी हराएपछि परिवारले खोजी गर्न प्रहरीमा उजुरी गरेका थिए । शुक्रबार उनलाई फेला पारी प्रहरीले परिवारलाई बुझाएको छ। ‘भाग्नुको कारणबारे अनुसन्धान गरिरहेका छौं,’ डिएसपी लिम्बुले भने । ललितादेवी गत २ गते सुत्केरी भएकी थिइन् ।

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com