अमेरिकामा कामदार भिसावाहकले एकभन्दा धेरै रोजगारदाताका लागि काम गर्नसक्ने
प्रकाशित मिति : मंसिर २८, २०७४ बिहीबार
अमेरिकामा कामदार भिसावाहकले एकभन्दा धेरै रोजगारदाताका लागि काम गर्न सक्ने युएससीआईएसले स्पष्ट पारेको छ । तर नयाँ रोजदारदाताले काम सुरु गर्नुअगाडि आई १२९ आवेदन युएससीआईएसमा पेश गरेको हुनुपर्नेछ ।
यो नियम नयाँ नभएपनि कममात्रै कामदारहरुले यसबारे जानकारी पाएकाले युएससीआईएसले सामाजिक सञ्जालमार्फत नै यसबारे स्पष्ट पारेको हो । युएससीआईएसले भनेको छ –‘सामान्यतया एचवान बी कामदारले एकभन्दा बढी रोजगारदाताका लागि काम गर्न पाउँछन् तर त्यसका लागि हरेकका लागि स्वीकृत आई १२९ हुनुपर्छ । काम सुरु गर्नु अगाडि नयाँ रोजगारदाताले आई १२९ आवेदन पेश गरेको हुनुपर्छ । ’
एचवान बी भिसा अमेरिकी रोजगारदाताले विदेशीहरुलाई कामदार राख्न भिसा हो । जसको बार्षिक कोटा ६५ हजार रहेको छ ।