Follow @khasokhasmag

फेरिएको रत्नपार्क !


प्रकाशित मिति : आश्विन ६, २०७३ बिहीबार

चटकेले चटक देखाउने ठाँउ । फुटपाथे पसलेहरुले मकै, बदाम , खरबुजा, कुल्फी र आइसक्रिम बेच्ने ठाउँ । सडक बालबालिकाहरु खेल्ने ठाउँ । जताततै फोहोर र दुर्गन्ध । यौन धन्दाका लागि समेत बार्गेनिङ हुने स्थल । लागुपदार्थ सेवन गर्नेदेखि गैरकानुनी धन्दाहरु हुने स्थान । यस्तै यस्तै नकारात्मक परिचय बोकेको रत्नपार्क अब पूरै बदलिएको छ । अब रत्नपार्क सुन्दर, हरियाली र मन बहलाउने स्थलमा रुपान्तरण भइसकेको छ ।
आधुनिक रत्नपार्क अब पहिलेजस्तो छैन । रत्नपार्क शान्त हरियाली र फुल बगैंचाले सजिएको छ । पार्क संचालनलाई व्यवस्थित बनाउन टिकटको व्यवस्था गरिएको छ भने महानगरले १९ जना कर्मचारी खटाएको छ ।
४२ रोपनी जग्गामा फैलिएको रत्नपार्कभित्र हरियाली वातावरण संगै अग्रभागको प्रवेशद्धार नजिकै शोभापोखरी रहेको छ भने दक्षिण तर्फ दुई वटा त्रिकोणात्मक पोखरीहरु रहेका छन् । बालबालीकाको मनोरञ्जनका लागि ६ वटा पिङ्ग र २ वटा चिप्लेटी रहेका छन् । पूर्वी भागमा भने गमलाहरु राखिएका छन् । त्यस्तै शौचालय, सुरक्षा गार्डको समेत व्यवस्था गरिएको छ ।
रत्नपार्कको निर्माण कार्य बि.स २०१८ सालमा तत्कालीन महारानी रत्नराज्य लक्ष्मीदेवी शाहको ईच्छा अनुसार सुरु गरिएको हो । यसको निर्माण सम्पन्न भने २०२१ सालमा भएको थियो । पछि २०५८ साल जेठ ५ गते रत्नपार्क महानगरको मातहतमा आएपछि २०६३ साल कार्तिक १ गते देखि महानगरकै वातावरण विभागले यसको संचालन तथा समबद्र्धनको जिम्मेवारी निर्वाह गर्दे आएको छ ।
रत्नपार्क सशुल्क खुल्ला भएपछि २५ रुपैया प्रवेश तोकिएको छ भने बिद्यार्थीका लागि १५ रुपैयामा प्रवेश गर्न दिईने छ । यसबाट बार्षिक ४५ लाख रुपैया आम्दानी गर्ने महानगरको लक्ष्य छ । बालबालीका जेष्ठनागरिकहरुका लागि भने प्रवेश निशुल्क हुनेछ । हप्ताको सातै दिन गर्मी समयमा बिहान ८ बजे देखि साझ ६ बजे सम्म र जाडोको समयमा बिहान ८ बजे देखि साझ ५ बजे सम्म रत्नपार्क खुल्ला रहने छ ।

फोटो : निश्चल / किशोर

img_7395 img_7396 img_7398 img_7402 img_7403 img_7406 img_7409 img_7411 img_7412 img_7414 img_7418 img_7419 img_7425 img_7426 img_7427 img_7428 img_7429 img_7438 img_7440 img_7441 img_7446 img_7452 img_7453 img_7458 img_7459

ratnapark-feature-1 ratnapark-feature-2 ratnapark-feature-3 ratnapark-feature-4 ratnapark-feature-5

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com