अमेरिकामा एसाइलम अस्वीकृति दर बढेर ६१.८ प्रतिशत


प्रकाशित मिति : मंसिर २३, २०७४ शनिबार

अमेरिकामा आर्थिक बर्ष २०१७ मा एसाइलम अस्वीकृति दर बढेर ६१.८ प्रतिशत पुगेको छ । जबकी पाँचबर्ष अगाडि अमेरिकामा एसाइलम अस्वीकृति दर जम्मा ४४ दशमलव ५ प्रतिशत थियो । यो अमेरिकाको इमिग्रेशन अदालतको एसाइलम अस्वीकृति दर हो ।

पाँचबर्ष अगाडि इमिग्रेशन अदालतमा आएका एसाइलमका मुद्दाहरु अधिकांश स्वीकृत हुने गरेकोमा अहिले अधिकांश अस्वीकृत हुने गरेको देखिएको छ । त्यस्तै आर्थिक बर्ष २०१७ मा अत्याधिक एसाइलमका मुद्दाहरुको फैसला गरिएको छ । २०१६ मा २२ हजार ३ सय १२ मुद्दा फैसला गरिएकोमा २०१७ मा ३० हजार १ सय ७९ मुद्दा फैसला गरिएको छ । कुनै एक बर्षमा यति धेरै एसाइलमका मुद्दा फैसला गरिएको सन् २००५ पछि यो नै पहिलो पटक हो ।

विगत पाँच बर्षको अवधि हेर्दा सबैभन्दा धेरै एसाइलम अस्वीकृति दर जमैकाको रहेको छ । उनीहरुको ९१ दशमलव ४ प्रतिशत एसाइलमका मुद्दा अस्वीकृत गरिएको छ । सबैभन्दा कम एसाइलमका मुद्दा भने शोभियत युनियनका नागरिकको गरिएको छ । उनीहरुको ९ दशमलव ५ प्रतिशतमात्र एसाइलमका मुद्दाहरु अस्वीकृत गरिएको छ ।

नेपालीका एसाइलमका मुद्दा अस्वीकृति दर भने २५ दशमलव १ प्रतिशत रहेको छ । अर्थात् नेपालीका एसाइलमका मुद्दाहरु झण्डै ७५ प्रतिशत नै स्वीकृत हुने गरेका छन् । सन् २०१२ देखि सन् २०१७ सम्मको अवधिमा नेपालीका २७ सय २२ वटा एसाइलमका मुद्दा अमेरिकाको अध्यागमन अदालतले फैसला गरिसकेको छ । जसमध्ये २५६६ वटा मुद्दा प्रतिनिधि राखिएका मुद्दाहरु थिए भने १५६ वटा मुद्दा प्रतिनिधि नराखिएका मुद्दाहरु थिए । कुल २७ सय २२ मुद्दामध्ये २ हजार ३८ नेपालीका एसाइलमका मुद्दाहरु स्वीकृत भएका थिए ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com