देउवा सरकार कांग्रेसको अन्तिम सरकार हो : ओली
प्रकाशित मिति : कार्तिक २९, २०७४ बुधबार
पालुंगटार(गोरखा) २९ कात्तिक । नेकपा एमालेका अध्यक्ष केपी शर्मा ओलीले देउवा सरकार नेपाली कांग्रेसको इतिहासमै अन्तिम सरकार भएको दावी गरेका छन् । गोरखाको पालुंगटारमा भएको संयुक्त चुनावी सभामा बोल्दै ओलीले भने कांग्रेसले दुई तिहाईको सरकार, बहुमतको सरकार र अहिलेको निरिह सरकार चलाएको बताउंदै मंसिर २१ गतेपछि देउवा सरकार कांग्रेसको इतिहासमै अन्तिम सरकार हुने तर्क गरे ।
बाबुरामलाई विदेशी भारी बोक्ने बुबुरो भन्ने अभिव्यक्ति दिएका ओलीले यो देश बनाउने बेला हो । कसैका प्रति दया माया वा टिठ लागेर मतदान गर्ने बेला होइन । एमाले र माओवादी एक भएर देशलाई स्थिरताको बाटोमा अघि बढाउने अभियान भएकाले कसैले सानो मन नगरिकन बामपन्थी उमेदबारलाई मतदान गर्न आग्रह गरे ।
