टुरिजम समिटका विजेताको नेपाल भ्रमण
प्रकाशित मिति : कार्तिक २६, २०७४ आईतबार
नेपालको पर्यटन प्रवर्धनका लागी अमेरिकामा आयोजना गरिएको नेपाल टुरिजम समिट २०१७ का एकजना विजेता नेपाल भ्रमणका लागी प्रस्थान गरेका छन् ।
न्यूयोर्कमा गत जुलाइमा आयोजना गरिएको समीटमा गोलाप्रथाद्धारा विजयी अमेरिकी नागरिक आना मरिस्का र उनकी साथी चेर्यल बुलबेचलाइ आज नेपाल पर्यटन बोर्डका न्यूयोर्कस्थित अवैतनिक प्रतिनिधि प्रदिप श्रेष्ठले बिदाइ गर्नुभयो । पहिलो पटक नेपाल जान लागेका उनिहरु न्यूयोर्क ब्रूकलीन निवासी हुन् । “हामीले नेपालको हिमाल र मौलीक संस्कृतीको बारेमा धेरै सुनेका छौँ, पहिलो पटक सगरमाथाको देशमा जान पाउदा ज्यादै हर्षित छौँ,” आनाले भानिन् । उनले काठमाण्डौँ, पोखरा जस्ता सुन्दर शहरमा भ्रमण गर्ने अवसर जुराइदिएकोमा नेपाल पर्यटन बोर्डलाइ आभार व्यक्त गरिन् ।
आना र चेर्यलले नेपाल भ्रमणको बारेमा समाजीक संजालमा व्यापक प्रचार गर्ने र फर्किए पछि एक संस्मरण प्रकाशित गर्ने योजना पनि सुनाए । नेपाल पर्यटन बोर्डले जुलाइ ६ देखि १२ सम्म बोस्टन, बासिगंटन डिसी र न्यूयोर्कमा नेपाल टुरिजम समिट संचालन गरेको थियो । सो समिटमा गोलाप्रथाद्धारा विजयी आनालाइ अमेरिकाका लागी नेपाली राजदुत डा. अर्जुनकुमार कार्कीले पुरस्कार प्रदान गरेका थिए । उनले पुरस्कार बापत टर्किस एअरलाइन्सको दुइतर्फी हवाइ टिकट र १० दिन नेपाल बस्न तथा घुम्नको लागी नेपाल पर्यटन बोर्डको प्रायोजन हात पारेकी थिइन । “पर्यटन प्रवर्धनमा सघाउ पु–याउने उदेश्यले यस्तो कार्यक्रम राखिएको हो, आगामि दिनमा पुरस्कारको संख्या थपिने छ” पर्यटन प्रतिनिधि श्रेष्ठले भन्नुभयो ।